Horae Belgicae
(1968)–A.H. Hoffmann von Fallersleben–
Auteursrechtelijk beschermd
[pagina 239]
| |
3.[regelnummer]
Heer daniel wilt ghi orlof ontfaen
ic en wil v niet begeuen.
Laet ons in die camer gaen
die hoochste minne pleghen
4.[regelnummer]
dat en doe ic niet vrouwe fier
mi dunct in alle minen sinne.
v ogen bernen al waert een vier
mi dunct ghi zijt een duuelinne
5.[regelnummer]
Heer daniel wat ist dat ghi segt
Ghi en dort v niet vermeten
coemt ghi noch weder inden berch
dat woort en sal ic niet vergeten.
6.[regelnummer]
Trouwe neen ic ioncfrou stout
Nv noch te geenen stonden
En peyse ic om dijnen rooden mont
Die en achte ic niet tot allen stouden
7.[regelnummer]
Daniel wilt ghi oorlof saen
Neemt oorlof aen die grijsen
werwaert dat ghi henen keert
onsen lof sult ghi altijt prisen
8.[regelnummer]
Hi nam een staf al in zijn hant
Ende hi streec te romen binnen.
Nv bidde ic maria die moeder gods
Dat ic den paus mach vinden
9.[regelnummer]
Doen quam hi voor den paus ghegaen
Voor onsen eertschen vader
Here ic soude mi biechten geerne
Ende roepe op god genade
10.[regelnummer]
Jc soude mi biechten seer beureest.
Met alle mijnen sinne
Jc heb seuen iaer inden berch gheweest
Met vrou Venus die duyuelinne
11.[regelnummer]
Hebdi seuen iaer inden berch ghew
Met vrou venus die duyuelinne
So sult ghi bernen eewelijc
Al in die helsce pijne
| |
[pagina 240]
| |
12.[regelnummer]
Die paus nam eenen drooghen stock.
Ende stack hem in die aerde beneuen
Wanneer desen stoek roosen draecht
Dan zijn v sonden vergheuen
13.[regelnummer]
Vermaledijt moeten die pausen zijn
Die ons ter hellen drijuen
Si hebben gode so menighe siele ghenomen
Die wel behouden mochten blijuen
14.[regelnummer]
Hi tooch te ronsen opt hooge huys
Om drie zijnder suster kinder
Die nam hi al metter hant
Ende leydese bi Venus zijnder vriendinne
15.[regelnummer]
Al doen den derden dach omme quam
Dien droogen stock droech roosen
Men sant bode ende wederbode.
Om heer daniel te soecken
16.[regelnummer]
Doen hi voor den berch quam
Vrou venus die quam hem teghen
Segt mi segt mi daniel sijn
Hoe is die reyse gelegen
17.[regelnummer]
Hoe nv die reyse is gelegen
Daer toe is mi so leyde
Die paus heeft mi sulcken troost gegeuen
Eewelic van god te zijn ghescheyden
18.[regelnummer]
Si sette hem eenen stoel
Daer in so ghinck hi sitten
Si haelden hem eenen vergulden nap
Ende wilde danielken schincken
19.[regelnummer]
Hi en wilde eten noch drincken
Si wilde eenen raet versieren.
Hoe si in die camer soude comen
Met seuen camerieren
20.[regelnummer]
Mer doen si wter camer quam
Al lachende ende al spelende
Al had si eewelijck ghespeelt
Heer Daniel die hadde ghesweghen
| |
[pagina 241]
| |
21.[regelnummer]
Mer die dit liedeken eerstwerf sanck
Sijn herte lach hem in dolen
Hi was lieuer in venus bedwanck
Dan in helsche scholen
|
|