Horae Belgicae
(1968)–A.H. Hoffmann von Fallersleben–
Auteursrechtelijk beschermd
[pagina 182]
| |
Al waer mijn alder werelt goet
Mijn herte moet in v aensien altijt verblien
2.[regelnummer]
Hoe coemt lief dat ghi mi niet en troost
Daer ghi mi siet in desen allende
den mey te planten hebbe ick ghegloost
God wils mi gonnen tot goeden eynde.
Desen mey ick ionstelijck tuwert seynde
Wt liefden so minne toebehoort
O Venus wildi mi met allen scheynden
So blijf mijn herte in drucke versmoort
3.[regelnummer]
O Rosier mijnder herten ghetrouwe
Neemt doch in dancke myn minlic saluyt
V eyghen blijue ick tot uwen behoeue
Mijnder herten sidy een conduyt
Ontfaet den mey die lustich spruyt
Jc wil hem v schencken tot uwer eeren
O Venus hadde ic mijns liefs ghebruyck.
Alle vruecht soude in mi vermeeren
4.[regelnummer]
O bloemkens die spruyten int groene dal.
daer menich amoreus herte verkeert
Ende menich minnaer breughet misual
Bi nijders die therte verteert
Al staet den mey in vruechden vermeert.
Een droef herte en mach niet verblijden.
Ten doet Venus die alle duechden leert
Door zijns liefs aensien tot allen tijden
5.[regelnummer]
O roose bloeme prieel van waerden
Engien mijnder herten confoort
Ontfaet van mi desen mey in duechden
Ende geeft myn herteken een troostelijc woort.
alle droefheyt worp ic ouerboort.
Ende in v wil ic mi seluen veriuechden
Al waer mijn herte in druck versmoort
Als ic v sie so moet ick verhuechden
6.[regelnummer]
O lieflijcke tijt schoon ende lustich
Wie soude zijn hi en soude hem verhuechden.
Als twee minnaers moghen comen rustich
| |
[pagina 183]
| |
Den mey te planten altijt in duechden
Elcx herte dunct mi in duysent vruechden
Als si malcanderen haer oochskens toogen.
O venus wat doet ghi door v vermoghen
Door v is so menich goet herte bedroghen
|
|