Horae Belgicae



[pagina 145]
XCVI. ¶ Een oudt liedeken 1.[regelnummer] JC sie die morgen sterre Mijns lieuekens claer aenschijn Men salse wecken met sange die alder liefste mijn 2.[regelnummer] Wie ist die daer singhet Ende mi niet slapen en laet Hi sal zijn singhen laten Voorwaer segge ic hem dat 3.[regelnummer] Dat ben ic ridder coene Een ridder wel ghemeyt Wanneer suldijs mi loonen Alle mijn sanghes arbeyt 4.[regelnummer] Coemt noch tauont spade. Al voor mijns vaders hof. Al daer sal icx v loonen En segt daer niemant af 5.[regelnummer] Den dach die nam een eynde die ionghelinc quam al daer Met sinen blancken armen Woude hijse ombeuaen 6.[regelnummer] Nv staet ioncheer stille En rijdt mi niet te na Jck moet noch eerste weten Wat loon ic soude ontfaen. 7.[regelnummer] Bergen ende lant schoon ioncfrouwe Sal v vrij eygen zyn. Ende bouen alle die daer leuen Suldi die alderliefste zijn 8.[regelnummer] Sal ic bouen alle ioncfrouwen Dijn alder liefste zijn So suldy ridder coene Mijns lijfs geweldich zijn 9.[regelnummer] Si namen daer malcander. si ghinghen eenen ganck.
[pagina 146]
Al onder een lindeken groene. die nachtegael daer op sanc 10.[regelnummer] Hi liet zijn mantel glijden Beneden in dat gras Om dat zijn vergulde sporen Vanden douwe niet en souden werden nat 11.[regelnummer] Daer lagen si twee verborgen die lieue langhe nacht. Vanden auont totten morghen Tot dat scheen den lichten dach.