Horae Belgicae

XCIV.
¶ Een nyeu liedeken.

JCk ghinck noch ghister auont
so heymelijcken eenen ganck.
Al voor mijns liefkens dore
Die ic ghesloten vant
Jc clopte so lijsselijc aenden rinck
Staet op mijn alderliefste lief
Staet op en latet mi in
Jck en fal v niet in laten
Jc en laet v ia niet in
Gaet thuyswaert en gaet slapen
Daer is een ander in
si lieten mi daer alleyne staen.
Jck salt haer noch wel loonen.
Mach ick noch leuen een cort half iaer
O Venus thoont v cueren.
Want ick v dienaer si.
Mach si mi nyet ghebueren.
Den doot ben ick seer by.

[p. 142]

 

Jck en hadt betrout in gheender stont

 

Al moet ick van haer scheyden.

 

Si hout mijn herteken doorwont

4.

This waer datmen ghemeynlick seyt

 

Dies ben ic bedruct tot inden gront

 

die sulcke zijn sinnen aen vrouwen leyt

 

Hi vint hem seluen ter doot ghewont

 

Want si hebben eenen loosen gront.

 

Jc vinde mi nv bedroghen

 

Si costen mi so menich pont

5.

Na dat bi nijders tonghen

 

Mijn lief is mi ontureemt

 

So wort van mi ghesonghen

 

Dit liedeken in dancke neemt

 

Van die alder liefste mijn

 

God wil haer wel bewaren

 

Jck en mach bi haer niet zijn

6.

Jc quam noch ghister auont

 

Jn eenen boomgaert ghegaen

 

Daer vant ic twee schoone ioncfroukens.

 

So seere bedruct staen.

 

Die een was die liefste mijn

 

Die ander hadde doorschoten

 

Dat ionghe herteken mijn

7.

Jck boodt haer een minnelijcke groete.

 

Jck sprac haer so minnelijck an

 

Mach si mi niet ghebueren.

 

So ben ick een alleyndich man

 

Jc waensche des nijders tonghen leyt

 

Si hebben mi ghestolen.

 

Mijn ghenoechte mijn vrolicheyt

8.

Dese nijders gaen hier achter straten.

 

Si stroeyen haer fenijn

 

Mijn lief en wil ick niet laten

 

Jck wilder noch tauont bi zijn.

 

Jc salse so minnelijc spreken

[p. 143]

 

Al heb ic een verloren

 

Een ander ic kiesen sal