Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


LXXIII. ¶ Een oudt liedeken. 1.[regelnummer] HEt daghet inden oosten Het lichtet oueral Hoe luttel weet mijn liefken. Och waer ick henen sal Hoe luttel weet mijn liefken 2.[regelnummer] Och warent al mijn vrienden dat mijn vianden zijn Jck voerde v wten lande. Mijn lief mijn minnekijn Jck voerde v wten lande 3.[regelnummer] Dats waer soudi mi voeren Stout ridder wel gemeyt ic ligge in myns liefs armkens Met grooter waerdicheyt. ic ligge in myns liefs armkens 4.[regelnummer] Ligdy in ws liefs armen Bilo ghi en segt niet waer. Gaet henen ter linde groene
[pagina 109]
Versleghen so leyt hi daer Gaet henen ter linde groene 5.[regelnummer] Tmeysken nam haren mantel Ende si ghinc eenen ganck Al totter linde groene daer si den dooden vant Al totter linde groene 6.[regelnummer] Och ligdy hier verslaghen Versmoort al in v bloet dat heeft gedaen v roemen Ende uwen hooghen moet dat heest gedaen v roemen. 7.[regelnummer] Och lichdy hier verslaghen. die mi te troosten plach Wat hebdy mi ghelaten So menighen droeuen dach Wat hebdi mi ghelaten. 8.[regelnummer] Tmeysken nam haren mantel. Ende si ghinck eenen ganck. Al voor haers vaders poorte die si ontsloten vant Al voor haers vaders poorte 9.[regelnummer] Och is hier eenich heere Ost eenich edel man die mi mijnen dooden Begrauen helpen can die mi mijnen dooden 10.[regelnummer] Die heeren sweghen stille. Si en maecten gheen geluyt. dat meysken keerde haer omme Si ghinc al weenende wt. Ende si ghinc wederomme 11.[regelnummer] Si nam hem in haren armen Si custe hem voor den mont. Jn eender corter wijlen Tot also mengher stont Jn eender corter wile
[pagina 110]
12.[regelnummer] Met sinen blancken swaerde dat si die aerde op groef Met haer snee witten armen Ten graue dat si hem droech. Met haer snee witte armen 13.[regelnummer] Nv wil ic mi gaen begeuen Jn een cleyn cloosterkijn Ende draghen swarte wijlen. Ende worden een nonnekijn. Ende draghen swarte wijlen. 14.[regelnummer] Met haer claer stemme Die misse dat si sanck Met haer snee witten handen dat si dat belleken clanck Met haer snee witte handen.

Vorige Volgende