Horae Belgicae


LVIII. ¶ Een out liedeken. 1.[regelnummer] HEt quamen drie ruyters geloopen. So verre int duytsche lant Met netten ende met knoopen, ia knoopen. Het waren die beste diemen vant 2.[regelnummer] Si quamen voor eender waerdinnen huys Al daermen tapte den wijn Waerdinne wi droncken so gaerne, ia gaerne. Wi en hebben gheen gheldekijn 3.[regelnummer] Waer op soude ick v borghen Ghi coemt wt vreemde landen V cleederkens die zijn dinne, ia dinne Ghi en hebbet ghelt noch panden 4.[regelnummer] Doen sprack dat ionckwijf vanden huys Nv tappet den ruyters den wijn Al dat si verteeren, ia teeren daer sal ick v boorghe voor zijn 5.[regelnummer] Doen sprac die vrouwe vanden huys En spreket niet so bout
[pagina 88]
Si souden v helpen verteeren, ia teeren V siluer ende oock v gout 6.[regelnummer] Doen sprac dat ionck wijf vanden huys Jc woude die ioncste ruyter waere mijn Ende icker mede soude gaen wandelen, ia wandelen Van Straesborch tot op den rijn 7.[regelnummer] Die ioncste ruyter tooch wt zijn net Ende worpt inder maghet schoot daer stont die edel ruyter, ia ruyter. Jn een wambeys van goude root