Horae Belgicae


XLII. ¶ Een oudt liedeken 1.[regelnummer] EEn ionck herteken goet van prijse Ghinck voor een ioncfrouwe staen. Hi seyde ioncfrouwe met goeden auijse Mochte ic in uwen boomgaert gaen Jck soude vanden bladerkens plucken ende die rooskens laten staen Si seyde ionck heere dat is wel verstaen Mer ten sal also niet zijn daer en is maer een alleyn die van mijnen boomken reyn Plucken sal een bladekijn 2.[regelnummer] Hi seyde wel ouer schoone ioncfrouwe Laet mi in uwen boomgaert gaen ende ic sal van die rooskens plucken Ende die bladerkens laten staen. Si seyde ionck here dat waer wel gedaen Mer ten mach also niet zijn Want daer en is mer een alleyn 3.[regelnummer] Hi seyde wel ouer schoone ioncfrouwe En verantwoordet niet so fel
[pagina 60]
Jck hebbe veel berghen sien hoogher dalen Dan dat torreken datter neder daelt Si seyde ionck heere ick ghelooues wel Mer ten sal also niet zijn Daer en is mer een alleyn 4.[regelnummer] Hi seyde wel ouer schoone ioncfrouwe Jck legghe mijn hooft in uwen schoot Moechdy mi nv gheen trooft gheuen So blijue ic van trouwe doot Si seyde ionc heere ghi en hebt gheen noot Ghi verliest uwen tijt Daer en is mer een alleyn