Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende XXXIX. ¶ Een nyeu liedeken. 1.[regelnummer] EEn ionck meysken reyn van seden Hadde mi tot haren bedde gedaecht Ende des was ick so wel te vreden Het dochte mi zijn een suyuer maecht Dies was ick van herten bouwe Si seyde zijt wellecom lief seer weert Na v so heeft mijn herteken begheert Dat neme ick op mijn trouwe 2.[regelnummer] Als wij te samen opt beddeken waren. Met vruechden dat wi songhen Wij lieten clincken der vruechden snaren. Jn spijt der nijders tonghen Wi waren al te samen so wel te pas Dat dede die schoone suyuer iuecht Des so was mijn herteken soo verhuecht Mi docht dat ick daer rooskens las 3.[regelnummer] Daer laghen wi twee al totten dach Van vruechden also droncken Als ick die schoone bloeme aensach Mijn herte dat wilde ontfoncken Dat dede dat vrouken schoone Si was so vriendelijc van aenschijne Al in mijn herteken spant si die croone [pagina 56] [p. 56] 4.[regelnummer] Als lief bi lief te samen rust Ende in die armkens luyken Si boeten der natueren lust Met vruechden die si ghebruycken Sulck ist natuerlijck wesen Een amoreus ist int beghinnen Alsmen zijn liefken mach ghewinnen Het is een vruecht ghepresen 5.[regelnummer] Als twee ghelieuekens te samen zijn Ghenoechte dat si hantieren Si vergheten alle druck ende pijn. Als si te samen roseren dat doet die amoreusheyt groot Die menighe is van dier natuere die nacht en dunct hem niet een vre Als hi mach rusten in zijns liefs schoot 6.[regelnummer] Jck bidde v minnaers ende rosiers Die metter minne zijt beladen Si maken som so veel bestiers dat si const versmaden dies so heeft die menighe toren Jck segt v oock te sulcker tijt die onconstighe heeft sulcken nijt daer bi so gaet die conste verloren 7.[regelnummer] Dese nijders zijn argher dan fenijn Ende van sulcker natueren Als si vruecht sien dat dunct hem pijn Al waert van haer ghebueren Si en waren noyt gaerne beuonden een clappaert is van sulcker sede Hi maect onurede ter menigher stede Waer dat hi can vermonden 8.[regelnummer] Die dit liedeken heeft ghemaect Hi custese aen haer wanghen Bi zijn liefken lach hi moedernaect. Met vruechden was hi beuanghen Van Dermonde is hi geboren [pagina 57] [p. 57] Hi sidt so gaerne op die banck Als hi mach drincken goeden dranck Schoon vroukens heeft hi nv wtuercoren Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd