Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende



[pagina 42]
XXIX. ¶ Een nyeu liedeken. 1.[regelnummer] DEs hadde een swaue een dochterlijn Si en woude niet langher dienen. Rock ende mantel woude si haen Twee schoenen met smale riemen Ja schoon isser mijn Elsselijn 2.[regelnummer] Des wildy rock ende mantel haen Twee, schoenen met smale riemen So gaet Tausborch in die stadt Ende groote heeren dienen Ja schoon isser mijn Elsselijn 3.[regelnummer] Doen si Tausborch binnen quam. Al op die enghe straten Si vraechden na den besten wijn Daer ruyters ende lantsknechten saten Ja schoon isser mijn Elsselijn 4.[regelnummer] Doen si inder stouen quam Men brochte haer eens te drincken Si liet haer ooghen omme gaen Den beker liet si sincken Ja schoon isser mijn Elsselijn 5.[regelnummer] Si namen die terlinghen inde hant. Si begonnen daer te spelen. Die daer die meeste ooghen worp die sliep bider schoonder vrouwen Ja schoon isser mijn Elsselijn. 6.[regelnummer] Hi nam schoon Elsselijn bider hant Bi haer snee witte handen Hi leyse daer hi een beddeken vant dat groene wout ten eynde Ja schoon isser mijn Elsselijn 7.[regelnummer] Hi sette haer neder op die banc Si en dede niet dan weenen Noch hebbe ic stoute broeders drie
[pagina 43]
eenen rijcken vader tsoheyme Ja schoon isser mijn Elsselijn 8.[regelnummer] Dats hebdy stoute broeders drie eenen rijcken vader tsoheymen So moechdy dit iaer een huerlinc zijn eenen rijcken vader tsoheyme Ja schoon isser mijn Elsselijn 9.[regelnummer] Mer doen si opter gassen tradt Haer bekende hare broeder 10.[regelnummer] Och suster sprac hi suster mijn Hoe is die reyse verganghen. dat den roc vore corter is ende achter veel te langhe Ja schoon isser mijn Elsselijn 11.[regelnummer] Och broeder sprac si broeder mijn du riedeste mi aen mijn eere Hadde mi dat een ander ghedaen Hi soudes mi wederomme keeren. Ja schoon isser mijn Elsselijn 12.[regelnummer] Die dit liedeken eerstwerf sanc, Hi heuet geerne ghesonghen Een vroom lantsknecht is hi genaemt. Tausboorch binnen der stede Ja schoon isser mijn Elsselijn.

Vorige Volgende