Horae Belgicae


XXV. ¶ Een out liedeken. 1.[regelnummer] DEn winter is een onweert gast merck ick aenden dage ic had een boelken ende dat was waer Jnt openbaer Si en was mi niet getrouwe Des lijt myn herteken rouwe 2.[regelnummer] Het ghaet ten vastelauont waert Nv lengen ons de dagen Mijn lief boot mi een cranselijn Van peerlen fijn Oft ic soude willen draghen totten daghe 3.[regelnummer] Daer na coemt ons die lieuen tijt So spruyten ons die bloemkens Si springen wt so menigerley Coel is den mey. Jc hoore den nachtegael singhen, van minnen
[pagina 37]
4.[regelnummer] Wat achte ic op den vogelen sanck Oft op quade nijders tongen. Mijn lief boot mi haer armkens blanc. Jc weets haer danc. Jc en salts mi niet beromen Mach ic daer in comen 5.[regelnummer] Ghi zijt mijn lief weet dat voorwaer. Jck vare na Oosterijck Schoonder wijf en sach ic nye als ickse aensie. Waer vintmen haers gelijcken haers gelijcken 6.[regelnummer] Oorlof schoon lief van aerdenborch Wi twee wi moeten scheyden ick eedt mijn corenken groene Jck hebs van doene Maria wil ons gheleyden, als wi scheyden