Horae Belgicae


IX. ¶ Een amoreus liedeken. 1.[regelnummer] ADieu reyn bloemkens rosiere. die mi bi uwer duecht V wesen ende v maniere
[pagina 14]
Mi dicwils heeft verhuecht Peyst om mi als ghi moecht Als ick trecke wten lande Mijn hert laet ic v te pande Adieu solaes ende vruecht 2.[regelnummer] Adieu ghi doet mi smerte Adieu noyt meerder grief Adieu myn iongedom herte Berooft mi als een dief Adieu mijn liefste lief Als ick ben wter stede Jc bidde v om een bede Leest daghelijcx desen brief 3.[regelnummer] Alstu den brief hebt gelesen Ghi doet mi liefs genoech. wilt doch gedachtich wesen die eens tot v minne droech ic en sal v spade noch vroech Schoon lief ooc niet vergeten. Mer herteken ic laet v weten dat noyt pacxken also swaer en woech 4.[regelnummer] Wilt v doch eerlic draghen Ende peyst doch om den endt. Want nv en tallen daghen. Blijft ghi in mi geprent This god die therte kendt. scoon lief wilt daer op dencken Myn bloet sal ic v schencken Myn hert voor een testament 5.[regelnummer] Dat wi nv moeten scheyden This mi een swaer pijn. Christus wil v gheleyden Tmoet al ghescheyden zijn. Mer ic hope in corte termyn Spijt alle dese nijders treken wi sullen malcander noch spreken Ende drincken den coelen wijn
[pagina 15]
6.[regelnummer] Adieu princesse gepresen This al om v ghedaen Wilt doch gedachtich wesen Want ic moet van v gaen God die wil v bistaen Schoon lief coemt mi te baten. Dat ic v nv moet laten dat cost mi so menigen traen.