Horae Belgicae


VII. ¶ Een nyeu liedeken. 1.[regelnummer] ADieu schoon bloemken reyn akeleye Adieu wel rieckende eglentier Adieu die liefste blijfde ghi Adieu schoon lieueken ick moet van hier Adieu ick moet v laten schier Al is dat mijnder herten een groot gepijn. Adieu schoon soete lief weest altoos blije Adieu ic en mach altijs niet bi v zijn 2.[regelnummer] Adieu ter werelt die liefste vrouwe Adieu die schoonste die ic oyt sach Adieu ic bliue lief inden rouwe Adieu tis mijnder herten een groot geclach Adieu schoon lieueken alst wesen mach Jc sal aenschouwen v blijde aenschijn Adieu schoon soete lief zijt mi getrouwe, Want ic en mach niet altijts bi v zijn. 3.[regelnummer] Adieu ic moet van hier varen Adieu tot dat ic weder keeren sal
[pagina 12]
Adieu God wil v lief wel bewaren Voor druck, verdriet oft eenich ongeual Adieu schoon lief wacht v voor al Van quade tonghen, si stroeyen fenijn Adieu schoon lief schout sulck verswaren Want ick en mach niet altijts bi v zijn 4.[regelnummer] Oorlof neme ic aen v princersse Adieu segghe ic v lief tot deser stont Adieu mijn sinnekens voechdersse Adieu bruyn oghen ende roode mont Adieu sneeu witte borstkens ront Jc en sie ter werelt gheen lieuer dan ghi Adieu schoon soete lief als ic v messe Dan sal altoos lief druck bi mi zijn