Horae Belgicae

¶ Nr. 118.
Van den heilighen sacramente.

In den tiden van den jaren,
doe god al dinc volbracht,
van Judas wert hi verraden,
den valschen joden vercocht.
van der doot is hi op herstanden,
ghevaren ter ewicheit,
den joden tot eenre schanden,
tot troost der kerstenheit.

Wat heeft hi ons ghelaten,
dat hi ons ten lesten gaf?
een schat is boven maten
ende gheen tonghe uutspreken en mach.
dat heilighe sacramente,
godes lichaem ende ooc sijn bloet,
dat gaf hi ons ten lesten,
doe hi aen den cruce stoet.

Die joden al ghemeine
si en wouden gheloven niet,
dat men in die hostie reine
godes lichaem consakeriert
al tuschen des priesters handen,
daer dat kersten ghelove aen steit.
god moet alle die joden schenden
over al die werelt breit!

[p. 236]

4.

Mit rechte wille wise straffen,

 

men salse al verslaen.

 

over die joden roep ic wapen!

 

groot moort hebben si ghedaen:

 

si hebben dat lichaem ons heren

 

van Judas broeder ghecocht

 

al in die quatertemper

 

voor sante Michiels dach.

 

 

5.

Die cloc soude elve uren slaen

 

omtrent te middernacht,

 

die coster quam totten joden ghegaen,

 

sijn wijf hi mit hem bracht.

 

hi sprac: ghi heren al ghemeine,

 

wat is u begheer?

 

doe sprac die overste van den joden:

 

och coster, coomstu hier!

 

 

6.

Die overste van den joden

 

ghinc bi den coster staen:

 

wildi ons die hostie vercopen,

 

die die kerste ghedraghen haen?

 

al in die gulden monstrancie,

 

die die priester selven droech?

 

wi en willen u daer niet voor danken,

 

wi willen u gheven gheldes ghenoech.

 

 

7.

Die coster mit sinen wive

 

nam enen corten raet:

 

mocht dat verholen bliven,

 

onsen god den soudi haen.

 

wat wildi mi daer voor gheven?

 

ic leveren u te middernacht.

 

dat cost ons allen dat leven,

 

wordet voor den heren ghebracht.

 

 

8.

Wi willen alle swighen,

 

spraken die joden al ghemein,

 

dertich gulden moochdi crighen

 

al voor die hostie clein.

[p. 237]

 

die coster mit sinen wive,

 

hi was der meren vro,

 

dat hi die gulden soude crighen:

 

si ghinghen ter kerken toe.

 

 

9.

Si ghinghen den oversten halen,

 

die Pilatus aen den cruce dede slaen.

 

si hebben hem als een dief ghestolen

 

den oversten van den troon.

 

die coster mit sinen vulen handen

 

taste in dat schone cristal.

 

si namen den coninc der glorien,

 

si droeghenen daer van dan.

 

 

10.

Doe si god selven brachten

 

daer die joden waren bi een,

 

si lachten ende si spotten,

 

si schimpten al mit hem.

 

si deden dat lichaem ons heren

 

so grote smaheit aen:

 

daer lach die coninc der eren

 

in also groter noot.

 

 

11.

Een tafel wert daer voort ghebracht,

 

daer ghinghen si alle om staen.

 

dat heilighe sacramente

 

wert daer op ghelecht also schoon.

 

si wouden hem binnen ende buten schouwen,

 

oft waer godes lichaem ende bloet.

 

si hebben dat te stucken ghehouwen:

 

o wee den bitteren doot!

 

 

12.

Dat bloet quam daer ghevloten

 

over al die tafel breit

 

uut godes lichaem ghegoten,

 

daert heden te daghe op steit.

 

die coster mitten joden,

 

hem wert so banghe te moet,

 

alst was doe god onse here

 

al aen den cruce stoet.

[p. 238]

13.

Die wachter opter muren sat,

 

hi wert des jamers wijs,

 

in eenre corter uren

 

quam daer menighe schoon tertijs,

 

processien, crucen ende vanen,

 

dat volc dreef jamer groot,

 

si droeghen die tafel totter kerken

 

al mit den heilighen bloet.

 

 

14.

Neghen ende hondert wert der joden verbrant.

 

die coster moest hem selven hanghen,

 

als Judas wert hi gheschant,

 

hi riep mit luder stemmen:

 

och mijns en wort nimmermeer vroude becant,

 

ende ic moet ewelic bernen

 

al in der hellen gront.

 

 

15.

Ghi mannen ende ooc ghi vrouwen,

 

die daer vast ghelove in haen,

 

dat wi in die hostie reine

 

godes lichaem sekerlic ontfaen

 

al van des priesters handen,

 

daer dat kersten ghelove aen steit,

 

god moet al die joden schenden

 

over alle die werelt breit!

B. 83. - Hs. 1, 4. vercoft - 1, 5. verstanden - 2, 8. stont 4, 6. ghecoft - 11, 4. godes licham alsoe scoen - 12, 8. stont.