Horae Belgicae


¶ Nr. 86. 1.[regelnummer] Ic sie die morghensterne, Jesus claer aenschijn. hi weckede mi mit liden: danc hebbe die here mijn. 2.[regelnummer] Wat is daer dat mi wecket ende mi niet slapen en laet? ic wil die werelt laten ende al haer toeverlaet. -
[pagina 176]
3.[regelnummer] Dat bin ic ridder coene, een heer die voor u strijt. wanneer wildi mi lonen al minen arbeit? - 4.[regelnummer] Ghenade, here, ghenade! siet aen u selves lof, ic soude u gheerne dienen, condic of mochtic noch. 5.[regelnummer] Het gaet vast aen een ende, hoe gheerne waer ic daer, daer ic mit claren bekennen die waerheit mochte verstaen. - 6.[regelnummer] O siele, ghi staet so stille, ghi en comet mi niet so nae, dat ghi mit claren bekennen die waerheit mochten verstaen. - 7.[regelnummer] Ghenade, here, ghenade! och lieve here mijn, ic soude so gheerne volbrenghen den liefsten willen dijn. - 8.[regelnummer] Och siele, lieve siele, nu doet den willen mijn! boven alle gheschapen dinghen suldi die liefste sijn. - 9.[regelnummer] Sal ic boven allen dinghen die alreliefste sijn, so draghe ic u op mijn wesen, want here dat is doch dijn. 10.[regelnummer] Och dat een gheestelic herte hem so becommert in deser tijt, dat god of sine ghenade gheen stede in hem en vint! B. 48.