Emblemata. Vol-sinnighe uytbeelsels

Embleme 95.
Coesus nil luce invatur.

Wat mach het onderwijs, wat mach de leringh baten
Den ghenen die de deucht uyt gront des herten haten,

Die 'tlicht ontvliedend' is en die niet sien en wil

Die naer het duyster staet, wat baet hem kaers of bril?

Sulck is den Vyl ghelijck die vlieghende by nachten
Tot alle tijden sal nae duystre plaetsen trachten,

Die 'tlicht der Sonnen schout en die den schoonen dach

In syn vervuylt ghesicht gheensins verdraghen mach.