Emblemata. Vol-sinnighe uytbeelsels

Embleme 44.
Amore mutuo.

Twee Toorssen die ghelijck van Was syn ende banden
Met een ghelijcke vlam ontsteken sijnde branden,

En voedende haer vier met klaerheyt voor 't ghesicht

d'Een oock soo langhe wel als d'ander gheeft syn licht:

Alsoo de ionghe ieucht van herten ende sinnen
Met een ghelijcke lijefd elck anderen moeten minnen,

Als sy te saem ghepaert syn in dees houlicks staet,

Tot dat de doot haer scheyt waer door het all vergaet.