Emblemata. Vol-sinnighe uytbeelsels

Embleme. 16.
In spe & labore transigo vitam.

Den arbeyt ende hoop de Menschen hout in't leven
d'Een sal sich op de Zee in groot ghevaer begeven,

En d'ander reyst te Lant met moyt' en groot verdriet

De derde men in huys seer bloedich wercken siet,

De vierde mayt in't velt in't heet ghestrael der Sonnen
En noch en worter doch niet dan den kost ghewonnen:

So datmen niet en vint noch vreucht noch een'gen lust

Dan die te hopen staet hier na in d'eewighe rust.