Emblemata. Vol-sinnighe uytbeelsels

Embleme 8.
Rerum sapientia custos.

Had wijsheyt en verstant, niet willen samen garen
Het gheen hier is gheschiet in soo veel hondert iaren,

Ons leven waer gants niet iae nerghens toe bequaem

Want niemants trachten sou nae eenen goeden naem:

Maer nu doch dat door haer bewaert wort en beschreven
Al 'tgheen den kloecken gheest heeft loffelijcks bedreven,

Elck een met lust nae deucht seer vlijtichlijcken tracht

Op dat noch nae syn doot, hy langhe wort ghedacht.