Emblemata. Vol-sinnighe uytbeelsels

99. Donectotum impleat orbem.

De Maen de bleecke Maen die op haer tijt gaet passen,
Niet verder sich vergroot, sal oock niet breeder wassen,

Dan tot dat haren schijn is in haer rond volmaect,

Alsdan oogschijnelick sy haer vergrooten staect:

Doch d'eere vanden helt, den Coning groot van machten,
Die m'onder d'ander oyt den Christelicsten achten,

En heeft geen ander pael, en heeft geen ander ent

Dan 'tronde van den al, zijnd' ouer al bekent.