Emblemata. Vol-sinnighe uytbeelsels

86. Sic transit Gloria mundi.

Aensiet en merckt met vlijt ghy sterffelicke menschen,
Des weirelts eer en goet, daer wy so seer na wenschen,

Is gans met allen niet, 'tis haest daer me gedaen,

Dus sal des Weirelts eer ten lesten doch vergaen:

Den schrick, den nacht, de doot, de weirelt sal omranden,
'Tsal al op eenen tijt tot poluer gans verbranden:

Soo dat ons eere niet als asschen wesen kan,

En wy alleenelick de schaduwe daer van.