Emblemata. Vol-sinnighe uytbeelsels

5. Labore virtus: virtute gloria paratur.

Den swaren arbeyt, die seer dicwils wort gemeden,
Bestaende niet alleen int wercken vande Leden,

Maer meest in d'oeffening der sinnen en verstandt,

Die noch weel swaerder valt alst wercken metter hant,

Den sijnen brengt in't lest met blijschap ende vreucht
Tot in den arme van de wel gewilde deucht.

Deucht die hem oock alsdan doet als haer minnaer eeren,

En sijnen lof daer toe noch dagelijcx vermeeren.