Emblemata. Vol-sinnighe uytbeelsels

2. Sapientia Constans.

Die de voorsichtighe Stantvasticheyt aencleven
Geensins en zijn bevreest noch voor de doot en beuen,

Het zy wat gheval oft droevich ongeluck

Wat moete, wat gevaer, wat smert, pijn oft druck

Haer ouercomen mach, men hoortse sonder schroemen
Van d'ongestadicheyt als ouer winners roemen,

Gelijck een steene beelt dat onbeweeglick staet

Niet vreeset voor 't geval oft eenich schrick'lick quaet.