Const-thoonende juweel

Bij de loflijcke stadt Haerlem, ten versoecke van Trou moet blijcken, in't licht gebracht

Rhetorica totde Corenblom van den Haghe.
Eyschende des Intredes verclaringhe.

GHelijck de gulden Son niet voor haer selven schijnt,
Door wiens heller claerheyt 'tpurper des Hemels verdwijnt,
En g'lijck d'ooge en d'oore voor hun selfs, noch hoort noch siet
Maer in zijn ampt elck lidt voor sich selfs hem pijnt,
Dat t'alles tot welstant van d'alghemeen leden gheschiet,
Soo oock een redelick mensch leeft alleen sich selfs niet,
Maer is oock een ander nut, alsulcke toont ghy u te wesen
O Corenblom, dies ick u feestelijck wellecom hiet,
En begeer dat ghy my den sin ws Intredes wilt lesen,
Weldaet doen Met geneuchten wert by Seneca ghepresen