Const-thoonende juweel

Bij de loflijcke stadt Haerlem, ten versoecke van Trou moet blijcken, in't licht gebracht

Rhetorica totde witte Acoleyen
Eyschende des Intredes verclaringhe.

DE bewaringh des gheloofs, der vrientschappen bant,
D'onverwinlijcke trou, hoe sterkk hoe vast gheplant,
In't herte van Damone en Phycia 'tsamen,
Met Terentio en Bruto naer mijn verstant,
En vermach geensins d'onghequeste trouw beschamen,
Die ghy my nu en oyt hebt bethoont na const betamen,
O VVit acoleyken by wien blijckt Liefd is 'tfondament,
V ontfang ick blijdelijc: en weet dat ghy my een aengenamen
dienst sult doen, soo ghy my u werck redenrijck volent,
Den boom wert door sijn vrucht den meester door sijn werc bekent.