|
| |
1675.
Commissarissen.
| Mher Procope de Lalaing, grave van Rennebourch, enz. |
| De grave van Vertin ende van Vertignoeuil, enz. |
| Mher Gheeraert van Vilsteren, baron van Laerne, enz. |
| Mher Philip de Carpentier, heere van Cericourt. |
| Schepenen van der Kuere. |
Schepenen van Ghedeele. |
| Vernieuwt den xxven meye 1675. |
| Joncheer Loijs Triest, heere van Meirelbeke. |
Joncheer Charles Maes, heere van Noortvelde. |
| Mher Anthone Ferdinand Volekaert, ruddere, heere van Weldene. |
Dheer Pieter Stalins. |
| |
Joncheer Jacques Albert Pierssene. |
| Mher Geerom Borluut, heere van St. Denijs-Boucle. |
Joncheer Jacques Philips Borluut, heere van Noortdonck. |
| Joncheer Philippe Ignace van Hoobrouck, heere van Reyaghe. |
Joncheer Egidius van der Camere, heere van Mullem, enz. |
| |
| |
| Joncheer Franchoys Claude de la Valette. |
Joncheer Albert Ernest Dellafaille, heere van Landeghem. |
| Joncheer Charles Ignace Clayssone. |
Joncheer Sebastiaen d'Hane, heere van Welden, Elst. |
| Joncheer Emmanuel de Grutere, heere van Anvijn. |
Joncheer Theodore Ignace van der Meersche, heere van Ter Hooghen. |
| Joncheer Cornelis Arnout Sandelin, heere van Ten Heule. |
|
| |
Dheer Franchois van de Vivere. |
| Joncheer Maximiliaen Anthone Rijm, heere van Rammelare. |
Dheer ende meester Pieter Moenijn. |
| Joncheer Jan van den Kerckhove, heere van Vaulx. |
Dheer ende meester Gregorius Huybrecht, licentiaet in de rechten. |
| Dheer Gillis Goethals. |
|
| Dheer ende meester Jan Augustin van den Berghe, doctor in de medecynen. |
Dheer Philippe Frans Baesbanck, heere van Cloquette. |
| |
Dheer ende meester Franchois van Overwaele, licentiaet in de rechten. |
| Mher Niclays Ivo Hainerel, licentiaet in de rechten. |
|
| Dheer ende meester Jan van der Brugghen, loco Hainerel, raetsheer te Oostende. |
|
Ontfanghers.
| Joncheer Abraham van Hoobrouck, heere van Aspre, Synghem, enz., tresorier. |
| Dheer Pieter de Smet, van de wercke. |
| Dheer ende meester Jacobus Judocus Danneels, licentiaet in de rechten, van de Yssue. |
Pridie dominicae Palmarum quae inciderat in 7am Aprilis, venientes incendiarii Galli Aldenardâ à proditore quodam et transfugâ hispano ad hoc illecti, ac spe potiundae novae arcis, generosè ab Hispanis in eâ praesidiariis repelluntur, relictis
| |
| |
suorum quam plurimis occisis et vulneratis, atque incenso toto ferme suburbio, quod extra portam cortracenam est, spoliis onusti, discedunt. Primo vere Galli totam ditionem leodiensem percurrunt et vastant, occupatâ etiam ac potius traditâ illis arce et civitate, quae licet aliquantulum temporis studia in contraria scissa, Gallis nihilominus tandem tota succubuit, aliasque deinceps urbes occupavit, ut Dinantium castrum ac oppidum Huiense, etc.
Junii mense magistratus urbis gandavensis, qui à comite Montereio ante quinque menses fuerat immutatus, à duce Villa Hermosa, Belgii gubernatore pro eodem comite Montereio in Hispaniam evocato substituto, iterum conscriptus est; excusarunt se aliqui ut dominus Borluyt, toparcha de Boucle, in tertium primi subsellii electus, verùm acquiescere coactus est.
Junii mense 18â Gallis cum totâ provinciâ cessit fortissima urbs Limburgum, quodque magis dolendum, in conspectu selectissimi exercitûs nostri qui tam ex Hispanis quam Hollandis constabat plus minusve 60a aut 70a millibus tam equitum quam peditum. Pugnavit tamen in discessu Gallorum feliciter uterque D. Maschiet, caesis ac captis aliquot Gallis turmae posterioris.
Ab octavâ Junii usque ad.... continui imbres et pluviae inundantes ut maturae jam segeti timeatur, imò frigus insolitum, adeo ut post festum Sanctorum Petri et Pauli ad notabilem crassitiem glacies visa fuerit, et lintea quae in pratis nostris dealbantur, fuerint congelata. Quapropter tam Gallorum quam Hispanorum exercitus dissolvitur et in hybernâ discedit. Deus det nobis suam pacem. Amen.
| |
| |
Summa ubique egestas, propter nimias contributionum exactiones et bonorum confiscationes, nostrorum plusquam media pars, scilicet omnium sitorum in Artesiâ, circa Tornacum et in districtu Aldenardensi cesserunt episcopo tornacensi gallo, qui tamen omnia onera iis imposita solvit, et vetustate collapsa reparavit. Facit Deus ut sic transeamus per bona temporalia ut non amissamus aeterna. Amen.
Dissensio principum nostrorum omnium malorum dicitur origo; quicquid sit verum tamen est et semper erit: Concordia res parvae crescunt, discordiâ diminuuntur.
Mensis Julii 9â Rdus D. Prior absentavit se à compitibus solito more audiendis in minori beguinagio ad Hoyam; idque propter indispositionem, et substituit R.D. superiorem qui et admissus est.
Celebrarunt in hoc caenobio primitias D. Placidus van den Poele, et octiduo post D. Anselmus van der Brugghe, ille alostanus, hic gandensis: hic 29a scilicet Junii et alter octiduo ante.
Dissensio nostros inter et Hollandos grassatur; ecclesiasticus quidam sacellanus Dus Gaya proditionis arguitur.
10â Julii retrò monasterium nostrum ad pontem de Munkbrugghe puerulus septennis absorbetur ab undis.
Eâdem die Reverendus Dominus prior noster, qui propter indispositionem suam se à compitibus beguinagii minoris absentaret, ac R.D. superiorem loco suo substituerat ac eo dimiserat, absentibus fortè malitiosè Reverendis Dominis De Mey, archipresbitero, ac D. Haes, pastore Sti Bavonis, ut vel sic ad electionem novae dominae non procederetur, nec computus concluderentur, Reverendus D. Prior de his omnibus et singulis praematurè admonitus, atque ut ipse venire
| |
| |
dignaretur advocatus, solus per se et compitus conclusit et ad electionem processit; infirmariam, more solito, visitavit, atque omnium DDerum suffragiis auditis Dam Vermaren in suo prioratu seu magistratu continuavit.
Eâdem etiam die nob. D.L. Herembaut, qui propter difficultates aliquas à Belgio et à Flandriâ in cujus provinciali concilio praeses fuerat antea denominatus, ex Hispaniâ redux, ubi negotia sua feliciter absolverat ac bonorum suorum omnium confiscationem nullam et irritam declarari fecerat, iisdem iterùm titulis et honoris sui dignitatibus in integrum restitutus, primâ vice hodie in eodem togato senatu praesedit: ‘Sic variae rerum vices et neminem adversa fortuna contristavit, nisi quem secunda decepit.’ (Seneca).
Danus cum Sueco feliciter pugnat, deleto ad internecionem quodammodo Sueco.
In arce novâ ad Stum Petrum constructâ, miles quidam pro proditore habitus ab excubitore plumbeo glande interficitur.
6â Augusti maxima pars domûs civicae Ipris, quam Hallam vocant, pulvere tormentario dilaceratur. In eâ dilaceratione 63 et ampliùs milites, qui ibidem in superiori parte hospitabantur, cum mulieribus et puerulis in sublime excutiuntur et mortui sunt; sex domus è regione omnino discerpuntur et triginta aliae circumquaque vitris exspoliantur. Vidi ego miserabilem hanc stragem, cum Ipris aeger ad ignem in domo domini van der Mersch sederem, una cum amicis ibidem caenaturus; ignis à domunculâ quâdam infra Hallas in quâ senex quidam octo dolia, prout aliqui referunt, absconderat et vendebat, auspicabatur. Deus animarum omnium misereatur. Amen.
Eodem planè tempore generossimus Dominus ac Franciae
| |
| |
Marischalcus comes Turinius, globo tormentario in Germaniâ sub comite Montecuculi laesus, obiit, cujus morte rex Galliae ad mensam sedens intellectâ, exclamavit: ‘Madame, nous sommes tous perdus, le comte de Turenne est mort.’
Circa idem tempus turmae auxiliares lotaringicae et luniburgicae feliciter pugnarunt cum Gallis sub comite de Crequi ad urbem Trevirensem, caesis gallorum quatuor millibus atque urbe, ut aiunt, mox occupatâ, at incertum hoc.
Perseverat et adhuc otiosos milites suos continet princeps Auriacus ad urbem Trajectensem. Interim milites quidam aedem propter imaginem Divae Virginis ibidem miraculosam Hallensem supellectili copiosâ exuunt et anathemata diripiunt, sacraque pollutis tractant manibus.
Perseverat victor exercitus Germanorum ad urbem Trevirensem, quam arctissimè premit, quibusdam vi eandem expugnatam asserentibus; interim spolia multa à Gallis reportant, captis ducentis carris argenti ac Condei suppellectile onustis.
26â hoc in templo sicut et in cathedrali ac reliquis parochialibus cantatus fuit solemniter post completorium hymnus te Deum laudamus, pro gratiarum actione de victoriâ in Germaniâ à Gallis reportatâ, pulsatis omnibus nostris majoribus, ac civitatis campanis ac tormentis, horâ nonâ vespertinâ, in signum laetitiae explosis.
29â Rdi PP. Discalceati carmelitae solemni pompâ celebrant canonizationem Sti Patris Joannis à Sta Cruce à Clemente decimo pridem divis adscripti; celebravit sacrum solemne Rdus D. Prelatus noster, ac vesperi ibidem ignes triumphales exstructi.
| |
| |
6â Septembris civitas Trevirensis in Germaniâ post longam obsidionem deditur, capti mariscallus de Crequi cum aliquot Gallis, sed non sine nostrorum sanguine. Condeus qui Turinio in regimine successerat, obsessis succurere studens, caeditur et fugere coactus est, amissis multis bellicis apparatibus.
Hactenùs adhuc otiosum detinet militem Orangius; irruptionem faciunt Galli in ditionem Teneramundanam, Scaldim trajiciunt, combustis aliquot domibus in parochiâ Beerlare, atque arce ibidem artificiosissimè aedificatâ non nihil laesâ.
Reliquiae Sancti Adriani propter bella et hostium excursiones hùc translatae, cum solemni octavâ coluntur, et publicè hîc sunt in medio chori expositae, ac singulis per octavam diebus, horâ septimâ matutinâ, in illius Sancti Martyris honorem missa solemniter musicè decantata.
Galli in Germaniâ, deditâ civitate Trevirensi, factis subterraneis caviculis, usque sub introitum nostrorum, incensis, maximam stragem ediderunt; quapropter ad ultionem suorum nostri accensi, omnes ad unum deleverunt qui civitate excesserant.
26â in hoc monasterio exacto probationis in habitu, seculari anno, habitum religionis susceperunt mane, sub missâ primarum, primus frater Gregorius van der Beken, Gandensis, consiliarii Petri van der Beken filius, Joannes Baptista antea vocatus; secundus, frater Bernardus van Putthem, Gandensis, nobilis Domini van Putthem, domini de Martens Leerne, etc., filius, Alexander anteà dictus; tertius, frater Wandregislus van der Meersch, Iprensis, qui et ipso vestitionis suae die aut pridie, matre hîc praesente, Ipris patrem obiisse cognovit, antea Franciscus nominatus.
| |
| |
Deus qui velle ipsis dedit, utinam det etiam et perficere. Amen.
6â Octobris, primitias in hoc monasterio celebravit, Reverendus Dominus AEmilianus Cruycke, ejusdem monasterii religiosus, ac dominus Celestinus Smet, octiduo post.
7â ejusdem, Galli, pro tertiâ vice, irruptione in ditionem Wasianam factâ, transmisso Scaldi, omnia circumquaque miserè devastant, exusto magnâ ex parte pago de Destelberghe et pluribus aliis. Utinam aliquando det his quoque finem.
4â Novembris, maxima tonitrui et fulguris tempestas, immixta grandine et procellosis ventis, adeò ut horâ viiâ vespertinâ impetu ad turrim Divae Virginis in Blandinio facto, eam incenderit, cui incendio restinguendo cùm undique vicini confluerent, altero iterum ac tertio ictu repetito et horribilissimo, turrim aliquantulum, at plures homines periculosissimè laesit, et in ipsâ etiam turri decem occidit, inter quos faberferrarius noster cum filio suo, decenni et quinque aut sex aliis vicinis. Deus animarum eorum misereatur ut per corporale aeternum queant evadere incendium. Amen. Biduo post defunctorum celebratae sunt solemnes exequiae operâ et studio aedilium ejusdem ecclesiae; elemosynis piorum aliquot ad hoc animati. Tempestas triduo jam duravit; jacent omnes sepulti uno sub lapide in ingressu ecclesiae parochialis Sanctae Mariae Virginis.
7â ejusdem decretae sunt et celebratae ejusdem defunctis in hoc templo solemnes exequiae cum officio defunctorum sub uno nocturno et laudibus defuncti; dum adhuc sunt, ex laesione et stupore tres alii qui et aliis pridiè sepultis, eodem in sepulchro juncti sunt, illud visitur ante introitum templi;
| |
| |
exequiae fuerunt summâ pompâ peractae cum magnâ populi frequentiâ ac pulsatis majoribus campanis nostris tertio aut quarto.
19â Octobris praecedentis transiit hîc suo cum comitatu Eminentissimus Pater cardinalis P.... Harundel, à romano pontifice Clemente Xo ex priore PP. Dominicanorum in Bornhem ditione Wasianâ, cardinalis pronuntiatus, natione anglus; excepit illum amplissimus dominus Abbas; vir ut multi testantur, qui ei locuti sunt, eumque viderunt, in tali fortunâ et honore humillimus.
Eodem relato incendio, eodem fulgure et tempestate conflagravit maxima pars turris vulgariter dicta het Beelfoort; at summâ civium diligentiâ et industriâ, mox restinctum est incendium, nemine hîc laeso. Benedictus Deus cui proprium misereri est semper et parcere.
Eâdem tempestate in Hollandiâ boreali submersa sunt et inondata ad 30 millia jugera terrae et amplius, periêre eâ etiam strage aliquot millia hominum et animalium, adeò ut strages haec nullo sit calamo exprimenda; stetit unda usque ad ecclesiam Ysendickanam. Deus qui consolatur nos in omni tribulatione nostrâ, consoletur eos qui sua in hâc inundatione perdidêre.
Initus contractus inter ecclesiam Sti Jacobi, adjuncto sibi abbate nostro et conventu ex unâ, et reverendos dominos rectores seminarii sancti Bavonis ex alterâ, pro quâdam cappellaniâ in eâdem Sti Jacobi ecclesiâ Stae Mariae retro chorum, quam iidem DDi rectores contenderant suo seminario unitam tempore domini Janssenii 1575; nos verò eam viveramus vice pastoratui, eâ scilicit conditione, ut eadem Sti Jacobi ecclesia penderet eidem seminario undecim libras magnas annuatim prout latius patet ex copiâ.
|
|
Auteursrechtvrij