|
| |
1674.
Commissarissen.
| Mher Procope de Lalaing, grave van Renneburch, enz. |
| De grave van Vertin ende van Vertignoeuil, enz. |
| Mher Gheeraert van Vilsteren, ruddere, heere van Vilsteren. |
| Mher Philippe de Carpentier, ruddere, heere van Cericourt. |
| Schepenen van der Kuere. |
Schepenen van Ghedeele. |
| Ghecontinueert uyt crachte van sekeren brief van syne excellentie, desen 13 february 1675 by myne heeren de commissen van zyne maj. |
| Meer Pieter Dellefaille, ruddere, heere van Eecloo. |
Joncheer Loijs Triest, heere van Meirelbeke. |
| |
| |
| Mher Anthone Ferdinande Volcaert, ruddere, heere van Weldene. |
Mher Anthone d'Allegambe, ruddere, heere van Basingien. |
| Joncheer Cornelis Sandelin. |
Joncheer Jacques Albert Pierssene. |
| Joncheer Philippe Frans de la Woestyne, heere van Potry. |
|
| |
Joncheer Emmanuel de Grutere, heere van Anvijn. |
| Joncheer Charles Maes, heere van Noortvelde, |
|
| |
Joncheer Jacques Philippe Borluut, heere van Noortdonck. |
| Dheer Pieter Stalins. |
|
| Joncheer Franchois Claude de la Valette. |
Dheer Loijs van Hecke, fs dheer Joos. |
| Joncheer Heyndrick Victor van Vaernewijck, heere van Diepenbrouck. |
Joncheer Cornelis Arnoldus Sandelin, heere van Ten Heule. |
| Dheer Jan van Hoorn. |
Dheer ende meester Jan van der Brugghen, licentiaet in de rechten. |
| Dheer Jan Dolins. |
|
| Dheer ende meester Jan Bapt. de Mey, licentiaet in de rechten. |
|
| |
Dheer ende meester Philippus Anthoine Papejans, licentiaet in de rechten. |
| Dheer Jacques Christoffels van der Haghen. |
|
| |
Dheer Jacques de Keysere. |
| Dheer Joos Pauwels. |
Dheer Charles de France, heere van Vergier. |
| |
Dheer Frans van de Vivere, fs dheer ende meester Frans. |
| |
Dheer Franchois Flamiel. |
Ontfanghers.
| Joncheer Abraham van Hoobrouck, heere van Aspere, Synghem, enz., tresorier. |
| Dheer Pieter de Smet, van de wercke. |
| Dheer Philips van der Stricht, van de Yssue, den 7 April 1674 overleden. Requiescat in pace. |
Undique magnus belli apparatus circa Lovanium, Mechliniam, Bruxellas; omnia depascuntur militiae loco ibidem
| |
| |
designato principis Auriaci copiis ad nostros adjunctis. Feliciter in Holsatià cum Turinio decertant Germani.
Domus quaedam noviter tantum exstructa, funditus corruit in plateâ de Slijpstrate, altera etiam in plateâ ad Sti Bavonis, het Roosemarijntjen nuncupata, et demùm tertia circa tabernam Septem Stellarum in het Hoorenstraetjen, nullius tamen periculo.
Mense Junio transeunte curru quodam portam quae dicitur de Ketelpoorte, vir quidam, qui ejusdem portae tectum reficiebat, ex eodem decidit non sine gravi laesione.
Die 21a Julij, pridiè Sti Wandregisili, inita est confraternitas inter nostros et Sancti Johannis Ipris religiosos, obstringentes se singuli, in obitu alterutrorum, ad unum sacrum, et juniores ad officium defunctorum.
Ejusdem 26a ad instantiam scabinorum civitatis gandavensis, Di Zamora et comitis de Rennebourch, dixit Abbas se nihil juris pretendere in ponticulo qui jacere solebat inter moenia quae ducunt à plateâ ter Platen ad Sti Levini portam, quocirca posse illos fortificare civitatem, prout praetendebant, et ampliare ponticulum prout opus illis videretur; resolvit tamen capitulum haec supradicta quoad fortificationem necessariam et ponticuli ampliationem se quidem consentire, reservare tamen in suo vigore antiquo jus suum quod monasterium semper habuisse dignoscitur eo in loco.
Augusto mense sequenti 13am inter et 14am, cùm princeps Condeus hactenùs suis se limitibus continuisset, nec eis nullatenus se evocari permitteret, nostri vasa se colligere simulantes, et loco discedere, ubi priores ille copias abiisse cum curribus onerariis vidit, mox in posteriores copias emisit millia ferme viginti suorum, qui in octo Hollandorum
| |
| |
millia incidentes, maximam primo stragem ediderunt, at, tumultu audito, Germani qui priores erant revertentes et suis subsidio venientes, adeo victoriam, quae jam ad Gallos inclinare videbatur, eripuerunt, ut sex aut octo millibus ex illis occisis, pristinas cavernas repetere coacti sint; fuit tamen non sine nostrum sanguine parta victoria: maximi nominis ceciderunt duces aliquot, inter quos primus meretur comes d'Assentado inter gregarios milites decertans, licet generalis, foret occisus ac Montibus Hannoniae sepultus, vir longiori vitâ dignissimus. Laesus graviter dux Ambianus, principis Condaei filius unicus, et alii plures. Decimâ sextâ ejusdem exonerata hîc in signum victoriae omnia tormenta bellica. Feliciora quotidie praestolamur; sed nil sine numine divum.
Eodem mense tempestas horrida grandinis, pluviae, tonitru et fulminis, alibi clades magnae sed omnium maxima Amstelodami imbres quotidiani hoc mense.
4a hujus puerulus quidam duodecennis hîc retrò monasterium in naviculâ ludens, in aquam decidens, in Scaldim labitur et absorbetur. Requiescat in pace.
27a Septembris Aldenarda, post octo dierum arctam obsidionem sub principe Auriaco, solvitur tandem inhonestè et ingloriè, intrantibus illam per nebulam quae densissima erat noctu tribus gallorum millibus.
5a Octobris continuae pluviae, ob quas vix arari nec seri poterit; grassatur ubique miles Germanus, sub duce quodam Gallo nomine..... Douchez, ab omnibus hic proditor insimulatus; ego ut supra, magna strages Swynardia et omnes circumquaque villae nostrae passae. Utinam aliquando det Deus his quoque finem.
| |
| |
Imponitur turri Sti Nicolai altero anno tonitru et fulgure faedè laceratae, cappula, inter quatuor turriculas media.
Incohatur media luna et opus retro monasterium nostrum vulgò ter Platen, olim aquarium molendinum nostrum, expensis civitatis Gandavensis, de quo vide supra.
Septembri mense praeterito, obtenta est sententia in concilio Mechliniensi contra pastorem et edituos ecclesiae Beatae Mariae Virginis in causâ agitatâ, propter aedificationem sacelli, in quo miraculosa imago Divae Virginis, in Schreyboom vulgò appellata, reponeretur, antiquo destructo, asserentibus illis sibi deberi directionem sacelli istius, maxime cùm nullum haberent foris in quo sacramentalia reponerentur. Concilium ergo provisionaliter decrevit, posse illos sacellum suis sumptibus aedificare si velint, servatis tamen servandis, ac vicarium qui ibidem constitutus est, cum annuo reditu 100 pattaconum, pro eâdem summâ cautionem praestare debere, relicto partibus jure suo ad principaliter si illis visum fuerit procedendum.
Civitas de Grave in Brabantiâ extremè coarctatur ab Hollandis, adeo ut ad viliora quaeque comedenda cogantur, carnes ut asserunt equinas, glires, etc.
Mense Novembri quidam Albertus Bouvri, cortracenus, Brugis laqueo adjudicatus est a Gallis, persuasus ut cooperante quodam capitaneo qui in fortalitio Dammi circa Brugas excubias habebat, Gallorum etiam pecuniis inescato, idem fortalitium Gallis tradere tentaret, at capitaneo totum negotium gubernatori Belgii comiti Monterey prodente, ille, ut dixi, laqueo finiit. Requiescat in pace. Amen. Magnae et ingentes exactiones ubique et vix solubiles.
Eodem mense infantulus in Lysâ circa tabernam het
| |
| |
Spriet in plateolâ à quâdam ancillâ in aquis perditus, expiscatur; utinam Deus aliquando perditorem prodat, ne malum late ulterius serpat.
Festivitas Sancti Quintini solemniter celebratur, quo die et ego libellum illius vitam et martyrium continentem edidi, sacellum illius jussu Rdi Domini Prioris exornatum.
Circa principium mensis hujus aut finem praeteriti civitas de Grave, post duorum aut trium mensium obsidionem arctissimam, tandem se dedit principi Auriaco, qui in illâ obsidione bis mille milites perdidisse dicitur, absque laesis et aegrotis; magnus in eâ belli apparatus est repertus.
8a Decembris festo Conceptionis Beatae Mariae Virginis, vesperi circa horam nonam, ingens oritur incendium in majori beguinagio Divae Elisabethae sacro, quod quatuor et amplius horarum spatio, integram infirmorum domum veterem et noviter aedificatam absumpsit; damnum fuit inexplicabile ob supellectilem rusticorum, argentum et grana, illis flammis hausta, vel praedonum aliquot (qui eâ occasione non desunt) insidiis direpta, summa fuit rerum confusio, quae etiam praesente comite Montereyo vix sedari potuit. Filia quaedam in eâdem domo hospes, dum se ad quietem daret, ignem secum (ut filiabus familiare est) in lebete portans, eundem dum flando excitare desiderat, fortuito casu scintilla in proximum ibidem linum evolavit, quae et idem incendit, ac ubi illa ad aquam inferius habendam accurrit, mox tigna et tectum comprehendit; potuisset fortasse restingui flamma, si major domina mox ubi incendium vidisset, vicinos in auxilium evocasset, at ubi illa, loculis suis et alienis timuit, totam domum cum supellectile (ut dixi) satis opulent, âperdidit; damnum hominum arbitrio censetur
| |
| |
centum millium florenorum, sed quis augurabitur. Deus totius consolationis adsit illis, qui propter hoc damnum merito tribulato sunt corde. Amen.
In Franciâ eques Rhotomagensis, proditionis insimulatus et convictus, capite plectitur, una cum quâdam marchionissâ, quae tamen quoad vixit se innocentem condemnari clamavit et asseruit; ibidem etiam juvenis quidam antverpiensis suspendio periit van den Ende nomine. Proposuerat eques una cum complicibus suis, illi tota nobilitas Nortmanniae dicebantur, regem et Delphinum filium ejus, hunc in Hollandiam, illum in Hispaniam transportare, per classem Hollandiae quae in illum finem totâ estate ad portus gallicos excubabat intenta; sed casso labore, cum enim complicium unus litteras aliquas in Italiam deferendas cuidam illùc proficiscenti iterum atque iterum et tertio commendat; ille quot tantâ curâ ac studio illas commendaret, dolum suspicatus, illas aperit, at totam rei seriem perlegit, jubetque se mox in terram exponi, ac mox regem adiens, proditionem aperit ac litteras tradit; fertur quod cùm eques captus atque ad regem ductus ab eoque interrogatus esset: ‘Tu ne es qui me Hispanis tradere voluisti?’ Immotâ mente, generosè et intrepidè responderit: ‘Imo ego ipse sum, rex, et poenitet me non esse factum.’
Mense Decembri, in festo Conceptionis Beatae Mariae Virginis, facta est licentia DDis Ursulinis à capitulo ad hoc convocato per Reverendum Dominum Abbatem transferendi domicilium suum, quod hactenùs in parochiâ Sti Jacobi habuerant, ad territorium nostrum, emeruntque domum van Mortanjen vulgari nomine, olim ad nobilem familiam de Brian pertinentem, in plateâ de Nieuwstrate. Deus â quo bona cuncta procedunt, illis benedicat et crescere faciat in mille millia. Amen.
|
|
Auteursrechtvrij