Memorieboek der stad Ghent van 't jaar 1301 tot 1793. Deel 2

1514.

Commissarissen.

Lievin van Pottelsberghe, ontfanghere van Vlaenderen, over minen heere van Fiennes.

Meester Thieri de Beaufremez, over minen heere van Sente Bertins.

Joseph de Baenst, over Mer Roeland le Fevre, heere van Temsche.

Mer Jaques de Lombyse, heere van Caestre ende van Rumbeke.

's Heeren kiesers.	Der stede kiesers.
Mer Anthonis de Lu, ruddere.	Amand Claeys.
Heynric van der Cameren.	Jan de Muenc.
Lievin Donaes.	Meester Jan de Sterke.
Jan Heyman.	Jooris de Keystere.
Schepenen van der Kuere.	Schepenen van Ghedeele.
Mer Willem de Wale, riddere, heere van Hansbeke, enz.	Roeland de Baenst.
	Jan de Brune.
Pieter Braem.	Lievin van Loo.
Heynric de Lieve.	Lievin Borluut.
Adriaen de Vos, t' Ste. Baefs, over hem Lievin de Grutere.	Bauwin Goedhals.
	Gillis Haelgoed.
Jan Sanders, in den Papegay.	Meester Jacob van der Zickelen.
Jan van Wijchuus.
Jan Utenhove.	Jan de Brauwere.
Vincent van Bommale.	Jacob de Grave.
Gillis Stalins, an den Corenaert.	Jan Pauwels.
	Pieter van Wettere.

[p. 32]

Pauwels van den Velde.	Willem Cockunt.
Jan de Vettere, f^s Heyndricx.	Jan Martins.
Lievin Roffins.
Danneel de Voghele.
Heuverdeken.	Deken van de Weverie.
Jooris de Backere.	Fransoeys de Brune.

Item, in dit jaer, den xxiiij Sporkele, dede hertoghe Caerle, grave van Vlaenderen, zyne blyde incomste binnen Ghent, ontrent den viij ueren in den avont, ende was met grooter tryomphe inghehaelt ende daer berrende t' synen incommene wel viij^m tortsen.

Item, tSondaechs den vierden in Maerte, ontfinck hy 't lant van Vlaenderen alsoo 't behoorde, ten welcken tyde onse ghenadeghe prinche ghelost was de stede van Nienhove ende 't lant van Rootselaere voor Nienhove met zynen toebehoorten, dwelc by coninc Philips, zynen vadere, belast was ende vercocht.

Item, de prinche was ghesconcken van der stede een costelic bancket, in 't Scepenhuus, op den colatiesoldere, ende waren ooc by onsen prinche t' sijnder blyder incomste ende ontfanghe gheconfirmeert ende van nieus gheoctroyheert ende verleent diverssche prevelegien, die gheregistreert staen in den Rooden Bouck.

[Den iiij in Maerte tSondaechs bezwoer hertoghe Caerle dlant van Vlaenderen, ende dede zynen eedt t'Sente Jans, in de kercke, ende den eedt gedaen zijnde, dede van gelijcke hertoghe Jan van Digion ende hertoghe Philips d'aude, ende dede die van Ghendt gebruucken al huerlieder previlegien, ende omme dat de regierders de prinche ontfyngen, omme zijn landt te ontfanghene, zonder den volcke daernaer

[p. 33]

te vragen, zoo dubden eenige persoonen ende twyfelden in den eedt ende zeyden dat den eedt anders niet en was dan den pays van Cassant, ende up die tytle wart Jacob Sent ende Jacob van Impe, tusschen baelgie, onthooft voor 's Gravensteen ende veele andere gebannen, te gaen wonene in partien te Roome, te Cuelene, t' Sente Jacob in Compostelle, in vremde landen, ende zijn alle buten der stede gestorven. (Pr. Ar.^B.)

- Den xix September was Anne van der Haghen, vrauwe Wille, gecondempneert onthooft te zyne, ende het was twee uren naer noene, up eenen Dyssendach, eer zy verwesen was. (Pr. Ar.^B.)

- In dit jaer, ter intreye van den keysere, waren rudders geslegen, t' Sente Pieters, Bouchhuus de Lalaing, seigneur de Burnecourt, Artus de Lalaing, son frère, et Jean Preudhome, dit was den iiij Martii. - Up den v^en Maerte zo gaf de prinche den ouden heere van Fines 't regement van Vlaenderen, ende daer waren doe by den prinche rudders gemaect, M^r Clays Utenhove, president van Vlaenderen, M^r Philips de Grutere, Charles van Wedergrade, Clays Triest, Jan van Saemslach, Jan van Cauwenhove, Jacob van den Vichte, Stevin van Liekercke, Philips van der Gracht. (Pr. Ar.^B.)

- Item, in dit jaer, den vii Maerte, waren in de lucht gesien twee regenbogens, staende rugge tegen rugge. (K.M.)

- Item, in dit jaer, den viii in October, was binnen der stede van Leyden, een kint geboren sonder hooft, met oogen ende mond staende in de borst, de aermen ende handen aen sijn syde gevesticht, ende was beneden ront sonder voeten, 't geene terstond stierf. (K.M.)]

[p. 34]

't Carnation.

Als de waele in Vlaenderen ghinc onder half myle,
Ende djaer van xiiij regierde,
Doen beswoer Kaerle Ghendt ter zelver wyle
Als het Brabans joncwijf den sondach vierde.

Item, in dit jaer trocken onse ghenadighe vrauwe, vrauwe Marie, om te trouwene 's conincx zoone van Hongharyen ende van Bohemen, ende vrauwe Ysabeele naer Denemercken, Sweden, Noorweghen, Gotthem ende Slavoenen, dewelcke vertrocken met grooter tryomphe, elc naer zynen brudegoem, ende waren seer blydelicken ontfanghen.