Memorieboek der stad Ghent van 't jaar 1301 tot 1793. Deel 2

1507.

Commissarissen.

Mijn heere van Fiennes.

Mijn heere van Boulaer.

Mer Roeland van Wedergrate, over minen heere van Romin.

Mer Jeronimus Lauwerin, tresorier generael.

's Heeren Kiesers.	Der stede kiesers.
Jan van den Kethulle.	Claeys van der Brugghen.
Jan Claeys.	Jacob de Vettere.
Claude Goedghebuer.	Jan van Wijchuus.
Lievin van Leys.	Jan van Melle.
Schepenen van der Kuere.	Schepenen van Ghedeele.
Joos Bette.	Joos van Zaemslacht.
Heynric de Lieve.	Luuc Minne.

[p. 14]

Jan van Loo, f^s Adriaens.	Boudijn van der Donet.
Heynric van der Cameren.	Jan van Bruwaen.
Heynric de Muenc.	Joes van der Zaffelt.
Jan de Troyere.	Jan van der Hasselt, drapier.
Pieter van der Hoyen.	Sanders van Vaernewijc.
Willem de Cleerc.	Jan Obrecht.
Jan Heys, in de Bracke.	Jacob van der Beken.
Joris van Kercvoerde.	Lievin van Beken.
Jan de Peystere.	Gillis de Sterke.
Gillis Stalins.	Jan de Cleerc.
Pieter Letteljans.	Bauwin van Kerrebroue.
Heuverdeken.	Deken van de Weverie.
Jan van der Venne, smet.	Jacob de Vettere.

Item, in dit jaer, den xxvij in Meye, quam vrauwe Margriete duwagierigghe van Savoyen in de stede van Ghent, omme dlant te ontfanghene by procurasie inrevocabele, uter name van den roomschen coninc Maximilianus, haren vadere, als voocht ende momboer van hertoghe Kaerle, zynen neve, ende ontfine dlant op eenen Vrydach; zy track te Swynaerde 's avonts te vooren, buten Ste. Pieters, neffens Ghent, slapen, ende 's anderdaechs quam zy voor den noene in de stede van Ghent, met scoonen state, omme dlant te besweerene ende de stede van Ghent.

Item, jeghens huer trocken uut Ghent vele notabele poorters, heeren ende mannen; de heeren van der wet ende andere ende eene scoone processie naer de costume, ende brochten se van Ste. Pieters tot Sente Janskercke, daer zy den eet dede ende dlant beswoer, ende zy track daerop de clocke drye slaghen, ende doe vertrocken zy also naer de maert, daer de ghemeente ooc eed dede,

[p. 15]

uter name van hertoghe Kaerle, ende daer saeyde se ghelt.

[In dit jaer, op den dach van St. Michiel, quam de hertoch van Ghelder, Charles, met de Franschen in Brabant, ende namen in de stadt door assaut van Tiellement ofte Thienen, alwaer ghebeurde groote vreetheden. (K.M.)

- In dit jaer was eene gemeene ende generale dachvaert gehauden hier binnen de stede van Ghendt, ende wart dwoort ghevoert ende de materie beleet ende de andwoorde ghegheven by den pensionaris dezer stede Jacob Huerebloc, als in Vlaenderen behaudens die van Brabant 't vooren sitten. Actum den iij^en in April xv^evij voor Paesschen. (Pr. Ar.^B)]

Item, in dit jaer was weder versoucht by colatien van x^m voetknegten en ij^m mannen te peerde te onderhauden van den lande van Vlaenderen; maer het was ooc ontseyt.

[Item, in dit jaer was te Mechelen grooten raedt ghehouden, omme financie van goede te cryghen, om op te nemen volck van wapenen, omme bystant te doen Maximiliaen, den gecoren keyser, die alsdan quam uyt Lombardyen deur Duytslant, waeromme te Ghendt ghehauden waren dry collatien, ende in de derde collatie was expres gheseyt als dat men consenteren soude in de begheerte, of dat sy kiesen souden pays ofte oorloghe, maer die van Ghendt deden als de wysen ende koosen den pays. (K.M.)]