Memorieboek der stad Ghent van 't jaar 1301 tot 1793. Deel 2

[p. 1]

Memorieboek der stad Ghent.

1501.

's Heeren kiesers.	Der stede kiesers.
Danneel Goedghebuer.	Jeronimus Mannins.
Boudijn Kersins.	Fransoeys de Brune.
Jan van der Vennen.	Jan de Troyere.
Meester Gillis van Waesberghe.	Danneel van den Hane.
Schepenen van der Kuere.	Schepenen van Ghedeele.
Joes Bette.	Mer Anthonis de Lu.
Jan van den Wijchuuse.	Willem Snellaert.
Lievin Braem, brouwere.	Joos Steel.
Jan van Buerwaen.	Claeys Triest.
Jan Claeys, up den Coutere.	Joos Meyeraert.
Luuc Minne.	Jan Sanders, f^s Pieters.

[p. 2]

Meester Philips Sersanders.	Philips van der Couderborch.
Willem de Cleerc.	Pieter Letteljans.
Lievin Toebast.	Pieter Braem.
Lievin de Vechtere.	Jan de Hane.
Jacob Boudins.	Gillis Coppins.
Jan de Smet.	Gillis van der Schelt.
Jacob Clauwaert, over hem Pieter de Hamblain.	Joos Pauwels.
Heuverdeken.	Deken van de Weverie.
Claeys van der Brugghen.	Jacob Fransman.

Item, in dit jaer (den xvj^en in Hoymant. S.B.) was gheboren te Brusele de tweede dochtere van grave Philips, ghenaempt vrauwe Ysabelle, up eenen Vrydach xxiiij Hoeimaent, 's avonts ontrent den x ueren.

[In dit jaer, was binnen der stede van Brussele gheboren Ysabeele, dochter van den hertoghe Philips, ende huere peters waren: de bisschop van Luudicke ende de bisschop van Gulcken; huere metere was vrau Magriete van York, douagierigghe van den lande van Vlaenderen, ter causen van Karel de Valoys, hueren man. Ysabeele traude den conynck Christianus van Denemeercken, ende had er by een' zone ende twee dochteren. (Pr. Ar.^B.)]

Item, in dit jaer was 't huwelic ghesloten tusschen den hertoghe van Savoyen ende vrauwe Magriete, de sustere van hertoghe Philips.

Item, in dit jaer trac hertoghe Philips met vrauwe Joanne naer Spaengien duer Vranckerijcke, daer hem vele eeren ghedaen was van alle de edelen ende groote meesters in alle steden, ende zy lieten de kinderen te Brusele.

[.... Hy liet alle syne kinderen te Mechelen, ende

[p. 3]

vrauwe Margriete track op den selven tijt in Savoyen by den hertoghe haren man. (K.M.)]

Item, up den Half Ougstavont, ende was Sondach, waren by de commissarissen kiesers ghemaect van 's heeren weghe: Jan Haelaert, Jan van der Eecken, drapier, Lievin van Leins, Jacob Hueribloc, ende van der stede weghe: Amant Claeys, Lievin Ghyselins, Jacob Fransman, Lievin van Huffele, ende zy waren te gadere eer dat zy scepenen deden uutlesen, van tSondaechs tot 's Dysendaechs 's morghens ten ix ueren, ende zy en consten niet accorderen van haerlieder kuere, zoo dat Jan Haelaert sprac: ‘Ic zal doen trompen ende doen uutroupen naer onse kuere.’ Daer up Amant Claeys antwoorde terstont: ‘Zijt ghy zoo staut, ic zal u by de voeten grypen ende werpen ter veynster uut.’ Zoo dat zy 's Dycendaechs moesten acorderen, ende dit ghebuerde omme dese naer volghende scepenen.