Memorieboek der stad Ghent van 't jaar 1301 tot 1793. Deel 1

[p. 339]

1485.

Commissarissen.

Mer Adriaen van Raveschoot.

Mer Jan van Vaernewijck, heere van Exaerde.

Meester Godevaert Hebbelin.

Joos van der Eecken.

's Heeren kiesers.	Der stede kiesers.
Willem van der Cameren.	Zegher de Vriese.
Jan van Overbeke.	Lievin van Praet.
Fransoeys van den Velde.	Martin Linezone.
Gillis de Bels.	Jan de Vos.
Schepenen van der Kuere.	Schepenen van Ghedeele.
die anquamen den viij^en in junio.
Jan van Vaernewijc, heere van Bost.	Jan de Grutere, te Vaernewijc.
	Daneel Goetghebuer.
Gillis van Zonnemare.	Jan Vlaminc, t' Ste. Pieters.
Lievin de Voghele.	Gaultier van der Zype.
Boudijn de Grutere.	Jacob Utendale.
Pauwels Deynoot.	Claeys de Knijf, backere.
Jacob de Pape.	Jan van Bruewaen, f^s Jacobs.
Guyoet de Croec.	Lievin van den Bossche.
Jacob van der Eecken.	Jan Claeys, ticheldeckere.
Jan van den Denne.	Jan van Loo, f^s Maercx.
Jan Doedins, f^s Jans.	Arend van der Beke.
Boudijn van der Donct.	Ritsaert van den Houte.
Gillis Langhejans, crudenier.	Jacob van den Velde, scipman.
Jooris Sloc.
Heuverdeken.	Deken van de Weverie.
Justaes Schietcatte.	Jan van der Boven.

[In dit scependom rees eene wapenynghe in zulcker wijs dat se duerde x daghen ende thien nachten, ende den viij^en

[p. 340]

der zelver maent waren deze voornoemde scepenen verlaten, te wetene van beede bancken. (Pr. Ar.^B.)

- Item, den vj in Wedemaent was een wapeninghe opghestelt by eenighe notable van der stede ende sonderlinghe by den vryen schiplieden ende de vleeschauwers, ter voordernesse van den peyse, ende daer waert ghevanghen Daneel Onredene ende Maes Heyman, schepenen wesende, ende Gillis van den Broucke 's heeren knape, ende de heere van Resseghem, ende waren gheleyt in 's Gravensteen. (K.M.)

- Item, den xvi Wedemaent, by opghevene van eenighe op de maerct staende, wort soo verre ghedaen dat de heere van Resseghem ghehaelt was uyt 's Gravensteen, ende ontsleghen, ende wort capiteyn ghecoren ende synen eedt ghedaen op 't Hoochuus. (K.M.)

- In dit scependom trocken die van Ghendt, metsgaders die van Brugghe ende Ypere, naer Audenaerde metten heere van Romont, metsgaders drie capiteynen met de dry leden van Ghendt, te wetene: Jan van Eersele van de poorterie, Pieter Ghyselins van de nerynghe, Jan Clays van der weverie, maer en conste up de stede niet ghedoen, ende zy trocken in 't cloostere van Eenhame up huerlieder stercte, ende laghen daer een maend tijdts ofte min zonder eenich faict te doene, ende quamen also naer huus. (Pr. Ar.^B.)

- Den vij^en Juny quam de deken van de schiplieden met zyne ghesellen de Hoochpoort up, aldaer dat was Matthijs Pehaert met seker ghezellen, ende volchden ende vergaderden up de maerct, ende men slouch Roelant. (Pr. Ar.^B.)

- In dit jaer waren verwesen ende onthooft met een vonnesse Ghyselbrecht Aelterman, Lievin Deynoot, Vinchent

[p. 341]

de Ruddere, Thuenis de Creemere, Eloy de Lossche; het waren goede mannen voor de stede. (Pr. Ar.^B.)]

Hierna volghen scepenen die anne quamen den xxij^en in Hoymaent, xiiij^clxxxv, by de kiesers hier onder ghescreven, danof onse harde gheduchte heere de Eertshertoghe van Oostrijcke, enz., alleene commissaris was, uutghegheven in zyne presentien. (S.B.)

Kiesers van 's Heeren weghe alleene.

Philips van der Zickelen.

Meester Fernant de Lixbonne.

Jan Sersanders.

Joos Pollet.

Jan Beys.

Jan Obrecht.

Michiel van Overloope.

Lievin Utermeere.

Schepenen van der Kuere.	Schepenen van Ghedeele.
die anquamen den xxij^en in hoeymaent lxxxv.
Geeraerd van Axpoele.	Mer Roelant van der Wedergrate, ruddere.
Pieter de Rijcke.
Joos van Melle, f^s Jooris.	Jacob Annaert, in de Drye Coninghen.
Jacob van Duermeez.
Arend de Cleerc.	Meester Christoffels de Grave.
Jan van der Eeken, scipman.	Joos Triest.
Joos van Dixmude.	Symoen Lippins.
Jan de Buecle.	Vincent Mayaert.
Meester Jan van Sycleer.	Symoen Clocman.
Philips van den Bossche.	Jacob van Melle, f^s Jans.
Meester Jan van der Haghe.	Joos Stameraert.

[p. 342]

Joos Steel.	Jan van der Venne, smet.
Jan de Smet, zadelmakere.	Jan van Oest, f^s Jans.
	Cornelis van der Stoct.
	Jan van den Heede, f^s Jans.
Heuverdeken.	Deken van de Weverie.
Jan Pick.	Lievin de Moor.

Item, in dit jaer quam d'hertoghe Macximiliaen te Ghent, ende dede zijn intreye met menichte van volcke van wapenen, ende alle de edele quamen te voet ghewapent metten crijchknechten, ende jeghens hem track Adolf van Cleve, heere van Ravesteen, Minheere Antonis, de bastaert van Borgondien, Minheere van Beveren ende andere, de drye staten 's lants van Vlaenderen zeer rykelic om zien.

[In dit jaer was de keyser te Ghendt met den coninck van den Romeynen, synen sone, ij daghen ende iij nachten, track van daer te Brugghe. (K.M.)]

Item, 's anderdaechs track de hertoghe met grave Philips zynen soone, t' Sente Pieters by den prelaet, ende van daer quam hy ter maert up 't Hoochuus, ende beswoer princelic voocht te zyne ende momboer 's lants van Vlaenderen tot dat grave Philips commen zal t' sijnder audde.

Item, insghelicx swoeren 't ghemeente van Ghent trauwe ende eere, welcken paeys was uutghelesen up Onser Vrauwen Visitatiedach in Hoeimaent, en waren buuten paeyse ghesteken de grave van Rommont, de heere van den Gruuthuuse, de heere van der Vere, alle drye heeren van der oordene, ende zes persoonen van Ghent: Lievin van Massemen, Jacob Heyman, ende meer andere van Brugghe ende van Ypere tot xiiij personen, ende terstont was Matijs Pehaert, hueverdeken, voor 't Hoochuus rudder ghesleghen,

[p. 343]

omme dat hy met de sciplieden ende andere persoonen de wapeninghe hadde ghemaect, daer de stede veel dancx af quam.

Item, in dit jaer, den xxvij Hoeimaent, up Sente Marie Maegdeleenendach, zoo was de obeysantie ghedaen van die van Ghendt van der comotie ende beroerte up Sente Verhildenplaetse; ende daer was overbrocht alle de previlegien, prescripsien, verbanden gheinpetreert ende vercreghen sint de doot van hertoghe Kaerle ende 's conincx van Vranckerijcke Lodewijcx tyde, ofte hoe dat zy vercreghen zijn, ende worden daer gheabboleert, ghecasseert ende te nieuten ghedaen, midts welcke de hertoghe gaf remis ende absolutie der stede van Ghent.

Item, binnen den zelven Maria Maegdeleenendach snavonts zo vant hem de hertoghe Macximilianus in 't Schepenhuus ende presenteerde hem alleene commissaris ende coes viij kiesers omme de wet te vermakene, dewelcke zauden dienen van Half Ougst eerstcommende tot over een jaer, zonder prejudicie van tyde naer de costume ombegrepen.

[Item, in 't selve jaer track de hertogh Maximiliaen uyt Brugghe naer Ypere met veel volck van oorloghe om weder in te cryghen eenighe steden in Artoys ende Piccardyen. (K.M.)

- In dit schependom was 't ghelt ghestelt te Ghendt den xix Ougste: den Andriesgulden up vijf schellynghen ses grooten; den dobbel met ij leeuwen up vijf schellynghen, ende te Kersmesse daerna was weder den Andriesgulden ghestelt op vijf schellynghen, ende den dobbel ghenaemt Vierysers, up vijf grooten. (K.M.)]