Memorieboek der stad Ghent van 't jaar 1301 tot 1793. Deel 1

1463.

's Heeren kiesers.	Der stede kiesers.
Mr. Willem de Zadelare.	Pieter Hueribloc.
Claeys van der Zickelen.	Meester Jan van Loo.
Mr. Jan Sersanders.	Jacob de Mauteneere.
Jan van Sycleer.	Lievin de Meestere.
Schepenen van der Kuere.	Schepenen van Ghedeele.
Jan Utenhove, watergrave.^1	Meester Philips Sersanders.
Pieter Beys.	Lodewijc Steemaer.
Jan van der Scaghe.	Pieter de Zuttere.

1 Over hem Joos Triest, d'oude. S.B.

[p. 261]

Claeys Weytins.	Claeys Utenhove, f^s Jacobs.
Boudijn de Grutere.	Willem Bette.
Jan Hendericx.	Willem Lammins.
Gillis Utenhove.	Jooris van Zeverne.
Rogier Everwijn.	Lievin Dwingheland.
Hector de Stoppeleere.	Mr. Gyselbrecht Vriend.
Claeys van Munte.	Jan de Witte.
Lievin van den Bossche.	Philips de Zadeleere.
Jacob de Muelenare.	Jan van Pachtenbeke.
Joos van Melle, f^s Jans.	Pieter Dierkin, f^s Pieter.
Heuverdeken.	Deken van de Weverie.
Olivier de Grave.	Jan Goetghebuer.

Item, in dit jaer track Mer Antonis den grooten bastaert naer Turckyen, uten name van hertoghe Philips, zynen vadere, met vele vrome mannen van wapenen, bet dan xiiij dusent sterck met den paus Pyus den ij^en, in het sesde jaer van zynen pausscepe, ende daer trac mede Mer Simon de Lalaen, Mer Philips zijn zone, rudders ende edelen; uut Ghendt trocken omtrent zes hondert vrome knecten, den xx van Aprille, ende den iiij van Meye, wel gheabelgiert: elc hadde een swarte jorneye met eenen roeden cruusse up de slincke borst, een selveren G vooren ende achter gheborduert, in teekene dat zy van Ghent waren, ende hadden iij capiteynen: Hector de Costere, Jan de Boot, ende Arent....... Zy trocken ter Sluus te scipe met xij galeyden ende veel andere scepen wel gheladen van alle victuhaelge, maer de reyse en vulquam niet; de paus overleet op dwatere, ende bleef in de stede Ancoengien (Ancône); de Venecianen ontvielen den Paus ende maecten secretelic metten Turck contract, verbant ende bestant, zoo

[p. 262]

dat elc t' huuswaert track van danen hy commen was, zonder Hector de Costere, capitein van Ghent, die trac met eenighe van Ghent ende andere plaetsen overe in 't lant van de Mooren, daer hy casteelen ende huusen afwerpende was, de heydenen dootslaende; maer zy vielen te cranc, zy moesten naer huus vlieden.

Item, in dit jaer quam de coninginne van Inghelant, ende haer zone de prince van Waels te Ghent, ende waren uut Inghelant verdreven, ende zy was uut Cecylien.

[Item, de coninginne van Enghelant quam oock in 't selve jaer tot Ghendt, vluchtende naer den hertoch van Bourgoigne, die haer op synen eyghen cost onderhielt. (K.M.)]

Item, in dit jaer ontseyde de grave Chaerle van Charloeys den heere van Croy, metten ghuenen die van zynen upstelle waren, ende moesten ruumen 't hof van hertoghe Philips, zynen vadere; want zy hadden grave Kaerle vermaect jeghens zynen vader Philips van Digion, zoo dat hy in zijns vaders ooghen niet commen en mochte.

[In desen tijt veranderde hertoghe Philips de camere van den rade, ende ordineerde zes raetsheeren ende eenen president ende noch vijf commissarissen, te wetene: meester Gillis de Zadelare, Joos van der Poort, Joos van den Brande, Symon van Moerkercke ende Jacob Donche. Actum den vierden July in 't zelve jaer. (Pr. Ar.^A.)]