Memorieboek der stad Ghent van 't jaar 1301 tot 1793. Deel 1

1456.

's Heeren kiesers.	Der stede kiesers.
Meester Jan Sersanders.	Meester Robrecht de Zaghere.
Christoffels Triest.	Jan Heynricx.
Meester Gillis Papal.	Jacob Donche.
Pieter van der Zickelen.	Pieter de Zuttere.

[p. 246]

Schepenen van der Kuere.	Schepenen van Ghedeele.
Mer Claeys Triest, ruddere.	Meester Philips Sersanders.
Jan van Sycleer.	Christiaen van der Gracht.
Jan de Stoppeleere.	Philips van Loo.
Lodewijc Steemaer.	Lievin de Bels.
Roelant van Wedergrate.	Gyselbrecht de Lu.
Jacob de Muntenare.	Heynric Baert.
Lievin de Meestere.	Simoen van Leeuwe.
Jan van den Kethulle.	Jacob van den Hulze.
Jacob de Zaghere.	Martin Seys.
Jan de Bellemakere.	Jacob Arendzoone.^2
Meester Jan de Keghele.	Lauwereis Boele.
Claeys van den Eetvelde.^1	Jacob de Brune.
Jan van den Denne.	Joos van der Eecken, f^s Laureins.
Heuverdeken.	Deken van de Weverie.
Pieter Hueribloc.	Lievin Dwijngheland.

Item, in dit jaer den vj^e Novembris vercreech de stede van Ghent van den prince dat van nu voortan maer en zouden zijn viii serganten van der Kuere ende xiij van Gedeele, ende datse zoude bedienen d'officie haer leven lanc gedurende.

Item, in dit jaer was meester Pieter Bauwins gevangen ende gevoert te Repelmonde, omme eenege saken die men hem aenseyde aengaende der stede van Ghent.

[Op Sente Joorisdach zoo dede hertoghe Philips zyne intreye binnen der stede van Ghent, na den pays van Gavere. In dit jaer wart mer P^r Bauwens gevangen ende gevoert naer Rupelmonde. (Pr. Ar.^B.)]

2 Jacob Arentsone. S.B.

1 Claeys van Heetvelde. S.B.

[p. 247]

Item, in dit voornoemde jaer was geboren vrouwe Marye, Carolus van Borgondien dochtere, ende was grave van Chaerloeys, op den xiij^e van Sporckele, ende haer petrin was de dolphin van Vranckerijcke, genaempt Lodewijc; de hertoginne van Borgondien ende mevrouwe van Ravesteyn.

[Item, Lodewijck van Vranckerijcke was te Brugge eerlick ontfangen, ende duer zynen wille waren op den Helighen bloet-dach gedregen by de neerynge in de processie de zelveren trompetten, zelveren vanen, daer inne dat de dolphijn zeer verwondert was, duer de costelichede die hy daer sach. (Pr. Ar.^B.)

- Item, de dolphijn hadde te wijfve des hertoghen dochtere van Savoye, ende waren vijf jaer onderhauden ten coste van den hertoghe Philips, 't welc hy den lande namaels qualick loonde. (Pr. Ar.^B.)

- In dit jaer was ontrent Napels een groote eertbevynghe, daer wel xv duusent menschen doot af bleven ende bedorven. (Pr. Ar.^B.)

Menschen pijnt Gode danckbaer te zyne,

Commen es ons zo zoet eenen tijdt,

Couvere van coorene ende vulhede van wyne,

Claer somere ende drooghe veur ons proffijt,

Conynck ghecroondt, niet zonder strijt,

Leeft nu Lodewijck in Vranckerijcke!

Christus moet wesen ghebenedijt;

In vele jaren en was des ghelijcke.

- Den xij^e dach van Sporcle wart binnen der stede van Bruussele geboren vrau Marie, moeder van den coninck Philips, Maximilianus zone. (Pr. Ar.^B.)

- Item, in dit jaer hadden de Christenen groote victorie

[p. 248]

tegen den Grooten Turck Mahomet, in 't coninckrijck van Hongaryen; daer waren beth dan xxx duysent Turcken verslagen. (K.M.)

- Item, in 't selve jaer lach hertoch Philips van Bourgoigne en de bisschop David syne sone voor Deventer; maer de peys was gemaeckt in deser manieren, te weten: dat bisschop David alsulcke macht hebben soude over de stede, als syne voorsaten gehadt hadden. (K.M.)

- In dit jaer waren by den previlegien maer vier dienaers, die colven droughen, ende bovendien waren der van 's heeren weghe, ende van den ghemeente weghe noch viere daer toe gestelt die oock colven dragen moesten. (Pr. Ar.^A.)]