Memorieboek der stad Ghent van 't jaar 1301 tot 1793. Deel 1

1453.

's Heeren kiesers.	Der stede kiesers.
Symoen Borluut, f^s Symoens.	Jan Moraen.
Meester Jan Damman.	Jan de Cupere.
Jan Ruflaert.	Jan van den Poele.
Willem Donaes.	Jan de Looze.
Schepenen van der Kuere.	Schepenen van Ghedeele.
Meester Jan Rijm.	Jan van den Moere.
Claeys Weytins.	Robrecht van Meerendre.^2
Willem de Pottier.	Symoen Boele.
Willem van der Camere.	Symoen Clocman.
Lievin Toebast.	Lievin de Bels.
Jan de Bels.^1	Jooris van Melle.

2 Ghyselbrecht van Meerendre. S.B.

1 F^s Nicasis. S.B.

[p. 241]

Oste de Grutere.	Jacob van Leyns.
Jan van Zeverne.	Jan van den Hane, over hem Michiel van der Haeghe.
Lievin Utendale.
Philips Wieric.	Lievin Temmerman.
Roelant van den Eechaute, over hem Jacob Danckaert.	Gheerolf Goetghebuer.
	Heynric Baert.
Jan van der Stoct.	Pieter van den Houte.
Jan Cloosterman.^1	Pieter de Suttere.
Heuverdeken.	Deken van de Weverie.
Daneel van den Dijcke.	Daneel van der Meersch.

Item, in dit jaer geboet men te Ghent dat alle de ghuene die stoc ende wapenen draegen mochten, dat zy zauden commen t' Sente Lievens-poorte op avontuere of men voordere trocke, ende van den avyse wierde; ende ter poorten zijnde was de ghemeenen roup dat men voort trecken zaude tot Gavere, ende also trocken zy tot Semmersake op 't velt, ende daer rechten zy den standaert van Ghent.

Item, de hertoge Philips dit vernemende, ende siende den standaert van Ghent op min dan eene half myle van den leghere van zynen volcke, hy dede haestelic in drye battaelgen stellen zijn volc die die van Ghent vromelic wederstonden.

Item, Jacob Meeussone ende Dieric van Scaubrouck, capiteyn van Ghent, stelden huerlieder volc in schoonder ordonantien, ende daden haer eerste battaelge soetelic voortgaen metter sonne lancxt eene haghe nedere, ende 't gheviel dat uut 's princen volcke een edel man, de broedere van minheere van Lanoy, quam vooren uutslaen, als omme te

1 Jacob Cloosterman. S.B.

[p. 242]

makene de vangaerde ende de moeyaert met eene paeyse, also men zeyde, zoo dat hem zijn pert ontdrouch tot in de vangaerde van die van Ghent; ende dit ziende wart hy terstont de kele afghesteken, ende men schoot zeere met den angienen ende bussen, ende een angienmeestere van Ghent ghenaempt Matijs Kerchove nam 't vier omme de bussen te vierene, ende by ongelucke viel eene sprancke viers in den sack metten cruude, die achter hem stont, zoo dat hy wert berrende, daeromme dat hy riep: Vliet! Vliet! Dit hoorende 't volc dat bachten stont worden vliende, zoo dat zy alle t' samen worden vliende, ende verloren 't velt.

Item, men schrijft van dooden ende verdroncken lieden onder Ghenteneers ende lantlieden bet dan xv oft xvj duusent mannen, ende de slach was op eenen Maendach den xxiij^e in Hoeymaent.

Item, den xxviij^e van Hoeymaent waren by den prince ontboden die gedeputeerden van Ghent, ende was paeys gesloten op den xxx^e in Hoeymaent, ende de voetval gedaen op Ledeberch.

Item, in den selven orloghe van Gavere waren van die van Ghent gewonnen ende afgeloopen ende verbrant xij gheprevilegierde steden, als Harelbeke, Aerdenburch, Oostburch, Eeckeloo, Deinse, Nienove, Thielt, Hulst, Axele, Caperijcke, Assenede, Geersberghe ende Lessene.

[Op Alderheleghen-avont zo huwde hertoghe Caerle van Digion binnen der stede van Rijssele met vrauwe Ysabelle van Borbon, moeder van vrauw Marie, namaels moeder van hertoghe Philips, ende grootvrauwe van den keyser Carolus de V^e van dien name, de welcke geboren wart binnen Ghendt, in 't jaer xv^e op S^te Matthijs-dach,

[p. 243]

wesende den verloren dach van het Sprockeljaer.¹ (Pr. Ar.^B.)

- Deze scepenen waren uutgheroupen naer 't maken van den payse, te zeven ueren van den avond. (Pr. Ar.^B.)

- In dit jaer consenteerde de prinche der stede te vercoopene lijfrenten omme den pays mede te betaelne; ende in dit jaer slouch men munte van gauden leeuwen ende leeuwaertkins. (Pr. Ar.^B.)]

1 Karel de Vijfde werd geboren den 24 February 1500.