Memorieboek der stad Ghent van 't jaar 1301 tot 1793. Deel 1

1451.

's Heeren kiesers.	Der stede kiesers.
Joncheer Martin Vylain.	Jan Doedins.
Stevin van Fourmelis.	Robberecht van Meerendre.
Jan van der Moten.	Jeronimus Caubrake.
Jan Willebrant.	Jan de Coninc, op de Mude.
Schepenen van der Kuere.	Schepenen van Ghedeele.
Jan Alaert, gheseyt Pertsevael, over hem Guy de Scoutheete.^1	Claeys van der Zickelen.
	Pieter Weytiers.
	Adriaen Mulaert.
Lievin de Pape.	Jan van Vaernewijc, f^s Sanders.
Lauwereyns van der Eeken.	Willem de Pottier.^2
Geeraerd van Massemen, f^s mer Daneels.	Lievin Arends.
	Joos van Leyns^3, t' Ste. Baefs, van Afsne.
Heynric de Wale.
Jan Leyns, d'oude.	Jacob Goetghebuer.
Hubrecht de Stoppeleere.	Lievin Minne.

1 Guy de Staute. S.B.

2 Willem Pottier. S.B.

3 Jan van Leyns, f^s Jans. S.B.

[p. 234]

Daneel van den Bossche.	Jan de Looze.
Zeger Bollaert.	Jan Wandelaert.^2
Claeys de Tolleneere.	Pieter van den Haute.
Heynric de Muenc.	Jan de Zomere^3, temmerman.
Mathijs Pechaert.^1
Jan van Meerendre, f^s Willems.
Heuverdeken.	Deken van de Weverie.
Lievin de Vriese.	Jan Goetghebuer.

Item, in dit jaer viel op de octave van Sent Jan grooten hagele.

Ghedinct de octave Jans, Gods wysere rein;
Want 's avons viel meneghen hagelstein.

Item, in dit jaer midts den beginne van der orloghe waren op Sente Martinsdach Pieter Turck ende Loowijck de Hamere onthooft op de Hoofbrugghe op een schavaut, ende in huerlieder doot belasten zy meester Pieter Bauwins ende meester Jooris de Bul ende niemant el, die hemlieden inghegheven hadden het upstel van der beroerte, die zy ghemaect hadden omme de oorloghe voort te gane dat deerlic was; ende daer wert ghevanghen Mer Bauwin de Vos, hoochbailliu van Ghent, ende hy wert deerlic ghepijnt dat men draghen moeste in 't Sausselet, ende was ter scherper exame van den x ueren voor noene tot den ix ueren na noene, veel wonders achterlatende uut curtheden.

Item, up Sente Nychasus-avont waren ter maert brocht Mer Bauwin de Vos, ruddere, in eene treme also ghepijnt,

2 F^s Jans. S.B.

3 F^s Lievins.

1 Mathijs Pehaert. S.B.

[p. 235]

ende met hem Stevin van Fremelis, Jan van den Damme ende Bauwin de Pratere, ende gheleet up den schavaut, de welcke baden zeer oetmoedelic om gratie; maer daer wart onthooft zonder meer Mer Baudin de Vos, midts der bede van de drye hooftmannen: Jan Willems van der porterye, Lievin Boene van neerringhe, ende Everaert van Botelare van der weverye; ende hadden acht daghen gratie up condicie dat zy binnen den voornoemde acht daghen binnen Ghent leveren zauden meester Pieter Bauwins ende meester Joris de Bul, ende hier inne verbonden zy hemlieden up lijf, ende midts vele middelen ix maenden ghevanghen gheleghen, worden ontsleghen up condicie dat zy zes borghen stellen zauden voor hemlieden met lyve ende goede, dat zy hemlieden niet vervremden en zauden van der stede van Ghent, ende gaven voor de voornoemde sententie van Ghent vijf hondert mudde corens, ende haudende daghelicx zes ghesellen gaende t' huerlieder coste.

[Op S^te Lucas-dach waren zes mannen ghebannen op lijf ende ghelt, duer dat zy waren vianden van der stede. (Pr. Ar.^B.)

- Ten selven dage waren voor 't Sausselet onthooft Ynghelram Hauweel, secretaris by Ghedeele, ende noch drie met hemlieden, te wetene: Lievin Maes, Sanders van S^te Pieters ende Bauwin van Everslare; ende waren onthooft zonder examen. (Pr. Ar.^B.)

- In dit jaer, den xxx^en July, was de prinche te Dendermonde, alwaer hy ontboot te commene uut elcke nerynghe eenen persoon, daer dat zy hem leveren zauden Daneel Sersanders, Lievin de Pottere, ende Lievin Sneevoet, omme zynen wille mede te doene; ooc begeerde hy voort dat zy de

[p. 236]

ballingen die om de voornoemde persoonen gebannen waren inlaten souden, ende begeerde voorts dat hy de wet stellen wilde naer zyne gheliefte, ende deze poincten en wilde de prinche niet afgaen. Dese pointen waren te Ghent in colatie, ende saude alle ontseyt gheweest hebben ten hadde gedaen Mer Colaert Clite, souverain van Vlaenderen, ende Mer Gheeraert van Ghistele, hoochbailliu, de welcke brochten segelen ende brieven dat al pays was, ende dat de drie persoonen reisen sauden by den prinche ende bidden hem vergheffenisse; waerop de zelve persoonen reysden, ende als zy by den hertoghe quamen was Daneel Sersanders ghebannen xx jaer ende up xx mylen naer 's princhen landen niet te commene; Lievin de Pottere was ghebannen xv jaren ende up xv mylen naer 's princhen landen niet te commene; Lievin Sneevoet x jaer ende up x mylen naer zynen lande. Dese mare quam terstont te Ghent, ende die van Ghent waren zeer beschaemt ende ten hadde gedaen de huusvrauwen van de ballynghen voornoemt, dewelcke toochden segelen ende brieven dat huerlieder mans waren ghesondt ende in wesen, het hadder al in de wapenen geloopen. (Pr. Ar.^B.)

- Mer Jooris de Bul, M^r Pieter Bauwens ende Lievin Boone by sauvegarde ende consente van den prinche ende met huerlieder vier gezellen wevers maecten rumoer in de stede duer 't volck in de wapene te doen loopene. Deze ghezellen waren gevangen den xxv^e October, ende verclaren dat zy last hadden 't vier inne te stekene in vijf of zes plaetsen, ende al 't volck dat ten brande saude commen doot slaen, ende omme datte te doen souden hemlieden vonden hebben binnen Ghendt bet dan drie duusent persoonen, ende doen ghevanghen waren vlodender veele uter stede; maer daer werter

[p. 237]

gevangen bede de baillius, zes scepenen ende 's heeren cnapen, ende wilden geen justice doen ende vloen. Op S^te Niclaus-avont waren onthooft Stevin van Formelis, Jan van den Damme, ende Bauwin de Pratere. (Pr. Ar.^B.)

- In dit jaer openbaerde haer d'oorloghe voor Ghent ende Audenarde ende was noch onthooft voor 't Sausselet Jan Heylbrouck. (Pr. Ar.^B.)]