Memorieboek der stad Ghent van 't jaar 1301 tot 1793. Deel 1

[p. 183]

1427.

's Heeren kiesers.	Der stede kiesers.
Mer Heindrick van der Camere.	Pieter Weytier.
Jan Utenhove, schelstrate.	Jacob Eeckaert.
Geeraert Van Axpoele.	Jan Slabbaert.
Seger Slove.	Lievin Papal.
Schepenen van der Kuere.	Schepenen van Ghedeele.
Claeys van Hoedevelde.	Boudijn de Grutere.
Jacob Sneevoet.	Gillis Maeyaert.
Arent de Brune.	Lambrecht Bosschaert.
Daneel van Maldeghem.	Simoen Clocman.
Jan de Grave.	Jan Vlamync.
Wulfram Wulframs.	Adriaen Nevelinc.
Sanders van Vaernewijc, f^s Jans.	Willem du Busson.^2
Gillis Hauwe.	Jacob de Hamere.
Jacob van der Hoersele.	Segher Bolloc.
Joos Haesbijt.	Jacob Meynfroot.
Jacob Utendale.	Thomaes Utenberghe.
Jan Balget, an de Scabrugghe^1	Jan Kriekersteen.
Jacob van den Hane, de jonghe.	Simoen Spieghel.
Heuverdeken.	Deken van de Weverie.
Daneel van Severen.	Jan Slabbaert.

Item, in dit jaer waren te Ghent op den Kersavont ghebannen hondert en lxxij personen.

[Item, in 't selve jaer was begraven de hertoch Jan, up den vierden Paesdach te Dygoen, in 't clooster van de Chartreusen. (K.M.)

- In 't zelve jaer was capitle van den Freminueren te Ghendt. (Pr. Ar.^A.)]

2 Willem du Buisson. S.B.

1 Jan Bilget. S.B.

[p. 184]

Item, in dit voornomde jaer was te Ghent in de halle ghelogiert een hertoghe uut Egypten met zynen staete, ende hy was genaempt Machiel.

Item, in dit jaer was de paeys ghesloten ende ghemaect in Hollant, te Delft, tusschen vrauwe Jacoba van Hollant ende haren medepleghers over een zyde, ende hertoghe Philips, grave van Vlaenderen, over d'ander zyde. Item, in desen paeys was ghesloten dat hertoghe Philips zaude zijn grave van Hollant ende van Zeelant, van Henegauwe ende heere van Vrieslant. Item, vrauwe Jacoba zaude blyven vrauwe van Vere ende van Zuderlant (zuyd Beveland); dies verbant zy haer niet te huwene zonder consent van den hertoghe Philips, grave van Vlaenderen.

- In dit jaer was de pays ghemaect tusschen vrauw Jacoba ende den hertoghe Philips, dat hy zijn zaude grave van Hollant, Zeelant, Henegauwe, en vrauw Jacoba zaude zijn vrauwe van Zuut-Beverlandt ende van der Vere. (Pr. Ar.^B.)]

[Item, in 't selve jaer beroept ende boet den handschoe de hertoch Monfroid van Glocester aen den hertoch Philips, maer als den tijt quam Monfroid en quam niet. (K.M.)

- Item, in 't selve jaer was Carel van Valois, die men hiet le Dolphyn te Riemen, ende was daer geconsacreert coninc van Vranckrijck (K.M.)]