| Lievin van den Hecke. |
Jan Slabbaert. |
| Jacob Utendale. |
Goesin de Coninc. |
| Fransoeys van der Meeren, over hem Jan Doedins. |
Claeys Rommel. |
| |
| Heuverdeken. |
Deken van de Weverie. |
| |
| Pieter Heuribloc. |
Gheeraert van Maldeghem. |
Item, in dit jaer trocken de volders uut Ghent naer Brabant, ende binnen viij daeghen daer naer was de paeys ghemaeckt te Dendermonde; maer daer bleefner xij van hemlieden ghebannen.
Item, in dit jaer overleet vrauwe Machiele in de Posterne te Ghent, ende was doe 't hof van den prince, ende was begraven t'Sente Baefs in den choor; si was de gheselle van hertoghe Philips, dochter van den coninc van Vranckerijcke.
[.... ende om haer doot was binnen Ghendt grote rauwe, want sy de insetenen zeer beminde ende lief hadde, ende men seyde dat se vergheven was van eenighe groote heeren; zy staerf 's daeghs voor Sente Amelberghen avent. (Pr. Ar.A.)
- In dit jaer starf vrau Michiele, de conynx dochter van Vranckerijcke, hertoghe Philips huusvrauwe, ende was begraven t'Sente Baefs in 't clooster in den hooghen choor, ende daer naer als Ste. Baefs gheruwineert was by den keyser Carolus, ende dnieuwe casteel begonnen maken, was zy ontgraven en metter tombe ghebrocht t' Ste Jans te Ghendt. (Pr. Ar.B.)]
Item, in dit jaer starf de coninc van Vranckerijcke, de vader van vrouwe Machiele, de welcke regnerde xlij jaer. Hy was vierwaerf met groote hercracht in Vlaenderen, ende by won den wijch van Roosbeke, by Ypere; hy verjaechde
Auteursrechtvrij