Memorieboek der stad Ghent van 't jaar 1301 tot 1793. Deel 1

1419.

's Heeren kiesers.	Der stede kiesers.
Mer Olivier de Jaghere.	Vincent Meyeraert.
Wulfaert van Steelandt.	Lievin van Waes.
Jan Everwijn.	Mer Daneel van Severen.
Jan van Dronghene.	Lievin de Muunck.
Schepenen van der Kuere.	Schepenen van Ghedeele.
Jan Sersymoens.	Stevin van Liekercke.
Jan Willaert.	Jan van Eecke, over hem Lievin de Munck.
Willem de Rijcke.
Goessin van Vaernewijc.	Willem Valcke.
Jacob Sneevoet.	Jacob van den Moure.
Gillis Maeyaert.	Jan de Keystere.
Claeys van den Hoedevelde.	Philips Bolloc.
Martin Boene, over hem Joos Boene.^1	Simoen Clocman.
	Jacob de Bake.
Willem de Busere.	Jan van der Manden.

1 Martin Bone, over hem Joos Bone, zijn broedere. S.B.

[p. 170]

Lievin van den Hecke.	Jan Vlaminc.
Pieter Weytier.	Arent van den Poele.
Roberecht Meyeraert.	Claeys Rommel.
Willem de Grave.	Jan de Grave, by Sente Niclaeis.
Heuverdeken.	Deken van de Weverie.
Pieter Huerebloc.	Geeraert van Maldeghem.

Item, in dit jaer was de hertoghe Jan van Digion, grave van Vlaenderen verradelic doot ghesleghen te Monstruel op de brugghe, daer hy knielen zoude, voor den coninc van Vranckerike omagie doende, midts zynen save condute, bloot met den hoofde, was van achtere doot ghesleghen met eender aecxse van den provoost van Parijs Tanguwy voor dat casteel (Tanneguy du Chatel), Philips Jooskin, ende een andere; ende zy woorpene ghelerst ende ghespoort van der brugghe in 't slijck, ende daer bleef hy ligghende an den cant van den watere, den x^e Septembre.

[- Item, in 't jaer xiiij^cxix, op den 2 September, was doodtgheslaghen de hertoghe Jan van Bourgoignen in 't casteel te Monsteruel van Tanenghy du Chastel, ende Philips 's graven Jans sone, grave van Charlois wart grave van Vlaenderen, ende dede te Ghendt synen eedt, den xx dach der voorseyde maent. (K.M.)

- In dit jaer was consilium van Pyse gheordonneert by den conynck van Hungarien af te legghene de gheschillen van de twee pausen, die xxx jaer gheregneert hadden. (Pr. Ar.^B.)

- De heeren van den rade uter name van den prinche versochten an scepenen van Ghendt dat de prinche t' zijnder incompste de ballinghen, die by die van Ghendt ghebannen waren, gratie hebben souden van haerlieder ban zonder cost; de voornoemde heeren versochten an die van Ghendt

[p. 171]

of zy daer inne accordeerden, waer uppe scepenen andtwoorden of men dat begheerde van gratien ofte rechtsweghe; daer uppe de heeren zeyden dat zy 't begeerde van gratien; want zy kenden by een privilegie deser stede dat de prinche de ballinghen haer landt niet gheven en mochte, die by scepenen ghebannen waren, ten ware by consente van scepenen; dit hoorende ordineerden gratie up de ballinghen zoo hier naer volcht: Alle ballynghen die vijftich jaer ghebannen zijn en zullen te dezer tijdt gheen gratie hebben; insghelijx ballynghen van vredebrake en soenbrake, deze zullen uut blyven haren tijdt; die tien jaren, en dry jaren ghebannen zijn, zullen gratie hebben. Daer waren lx persoonen die gratie hadden en alle die vervallen waren, ende lx van boeten, ende daer onder schalt de prinche quytte en begheerde dat men se uuten boucke van scepenen screpen zaude. (Pr. Ar.^B.)]

Impie Delphine, cur occubuit Leo per te?
Fit Leo mactatus fictitia pace ligatus.

Item, in dit voornoemde jaer ontfinc Philips van Chaerloeis, hertoghe Jans zoone, d'lant van Vlaenderen, den xx^e Septembris ende was Sente Mateeus-avont.

Item, dese Philips, zone van hertoghe Jan van Digion, hadde ghetraut vrouwe Michiele, 's conincx van Vranckerijcke dochtere, te wetene Kaerels van Gonessen dochtere, de sustere van den dolphin, by wiene dat hertoghe Jan, zijn vader, versleghen werd.

[Item, men trompte up Sente Niclausturre niet, ter incomste van hertogh Philips, om dat hertoghe Jan curts te voren overleden was. (Pr. Ar.^A.)

[p. 172]

- Item, hertoghe Philips hadde t'zijnder blyde incomste, twee kannen wijns, eene roedt ende eene witte, ende seven snoukin costen iij xiiij sc. gr., ende een scaerlaken laken, coste xi gr., noch een gheseghelt wit laken, coste vi gr., ende in de herbergen in 't gemeene, die van den hove waren, 40 guldenen vrancxsche croonen. (Pr. Ar.^A.)]