Memorieboek der stad Ghent van 't jaar 1301 tot 1793. Deel 1

1417.

's Heeren kiesers.	Der stede kiesers.
Mer Gheeraert van Maldeghem.	Segher Meyeraert.
Mer Heynric van der Cameren.	Wulfram Wulframs.
Claeys van Hoedevelde.	Jacob Eeckaert.
Daniel van Maldeghem.	Stevin van der Eecken.
Schepenen van der Kuere.	Schepenen van Ghedeele.
Ghelnoet Damman.	Jan Sersymoens.
Vincent Meyeraert.	Jan van Eecke.
Jan van Durmen.	Jan de Cleene.^1
Jan Sersanders.	Simoen Bette, in d'Ameede.
Jan Vyncke.	Gillis Mayaert.
Jan uter Ghaleyen.	Martin Boene.^2

1 Jan de Cleyne. S.B.

2 Martin Bone. S.B.

[p. 166]

Lievin van den Hole.	Daniel van Munte, over bem Jan van Munte, synen broeder.
Jan van den Hecke.
Jacob van den Hane.	Willem van Meerendre.
Gillis Sneevoet.	Jan de Ketelboetere.
Lodewijck Bloume.	Jan van Ghent, f^s Laureins.
Jacob van den Dijcke.	Jan van Hauthem.
Heynric Damman.	Jacob van der Muelen.
	Gheeraert van der Buunre.
Heuverdeken.	Deken van de Weverie.
Segher Meyeraert.	Willem de Rijcke.

Item, in dit jaer staerf hertoghe Willem van Hollant.

Item, in dit jaer quam de paus Martinus te Constans.

[Item, in 't selve jaer xvij soo was ghecoren de paus Martinus te Constans. (K.M.)

Item, in dit jaer waren in Vlaenderen vele brantstichters uut allen landen, als Walen, Inghelschen ende andere; zy verbranden veel durpen ende steden in Vlaenderen, als Poperinghe, Wervicke, Rousselaere, Dicxmude, Oudenburch by Brugghe, ende in andere plaetsen; dese waren ghehuert alsoo zy kenden, diere af ghevanghen waren ende ghejusticieert, van den hertoghe van Orliens daertoe ghemaect, die in Inghelant ghevanghen lach, in wraken dat de hertoghe Jan van Digion zynen vaedere, den hertoghe van Orliens, dede doot slaen te Parijs; want hy die ghevanghen lach en conste hem anders niet ghewreken.

- In dit jaer regneerden veele moortbranders ende waren ghezonden uut Ynghelant, ende deden veel schade in 't westquartier, daer de hertogh van Orliens inne belast was; want hy dede 't uut wrake omme dat hertoghe Jan zynen vadere

[p. 167]

hadde doen doot smyten. De brandt ghebeurde te Poperinghe, te Weervicke, te Rousselare, t' Eecloo, Dixmude, Herdenburch ende Brugghe, daer by van dezen brande veele aerme menschen bedeghen. Daer worden veel brandstichters ghevanghen ende naect up eenen waghen ghestelt, ghevoert van strate tot strate, met gloyende ysers ghebrandt, ende doe buuten stede onthooft en up raden ghestelt. (Pr. Ar.^B.)

[- In dit jaer starf vrauwe Michiele, dochter van den conynck van Vrankerijcke ende hertoghe Philips gheselenede, ende legt begraven te Ste. Baefs. (S.G.) Ziet 1422.

- 's Dysendaechs in de goede weke wert de hertoghe van Torreynen, dolphijn van Vranckerijcke, ghetraut hebbende de dochter van hertoghe Willem van Beyeren, ontboden in Vranckrijcke als toecomende conync, ghemerct dat den conynck alsdan zeer cranck lach omme sterven, ende hy Dolphijn commende binnen Parijs wart vergheven in 't andoen van eenen panschiere ende up den lesten dach van Meye starf de zweer van den Dolphijn voorseit ende wart begraven te Keynoot in Henegauwen, ende in dit jaer was paus ghecosen Odo van Calumpna ende in zijn concelebreren wart hy gheheeten Martinus de V^e, ende hy besat den stoel van Roomen xiiii jaer. (Pr. Arch.^B.)]