Memorieboek der stad Ghent van 't jaar 1301 tot 1793. Deel 1

1414.

's Heeren kiesers.	Der stede kiesers.
Mer Olivier de Jaghere.	Jan Jooris.
Stevin van Liekerke.	Jan de Bleckere.
Claeys van Hoedevelde.	Jan van der Heyden.
Jan van der Schaghe.	Willem van Meerendre.
Schepenen van der Kuere.	Schepenen van Ghedeele.
Willem Utenhove.	Jan Sersanders.
Wulfram Wulframs.	Lievin Papal.
Jan Everwijn.	Jan Haghin.
Jan Sersymoens.	Simoen Bette.^2
Nicasis de Bels.	Race van den Walle.
Vincent Meyeraert.	Gillis Maeyaert.
Gheerem Borluut.	Gyselbrecht de Grutere.
Jacob van den Hane.	Daneel van der Langheraect.^3
Jan Ligiers.	Roberecht van Eecke.
Jan uter Ghaleyden.	Lauwereyns van der Leyen.
Gillis Sneevoet.	Jan van Bucxstale.
Jacob van der Hoirzele.^1	Gheeraerd van den Buunre.
Jan van den Hecke.	Jacob van der Meulen.
Heuverdeken.	Deken van de Weverie.
Jacob Sneevoet.	Willem de Rijcke.

Item, in dit jaer rees een groot remoer ende clachte van den paus Jan van Bolloengien in 't jaer x ghecooren, ende dat van zynen quaden regemente ende levene.

2 Symoen Boete. S.B.

3 Daneel van Langheraert. S.B.

1 Jacob van Hoyrsele. S.B.

[p. 160]

Item, dit verhoorende de keyser Seghemont hy dede hauden een generael consylie te Constans op den Rijn, ende daer was een enquestie ghedaen op paus Jans onrein leven, als by welcken dat hy was verlaeten van den pausdomme ende in vanghenesse gheleyt in 't casteel van Scaffenhuuse, ende de cardenaelen noch eens in conclaeve ghinghen ende coosen eenen romeyn, ghenaemt Odo de Calumna, ende inne zyne consecratie was hy ghenaemt Martinus de V^e.

[Item, in dit jaer was dat concilium dat men noemt Synodus Constantiensis, ende duerde vier jaer lanc, in welck Joannes Hus ende Jeronimus de Praga waeren verbrant. (K.M.)]

Item, in dit jaer was eerstwaerf verheven Onse Vrauwe van Lê (Lede) ende was den tweesten in meye.

[In dit jaer was by scepenen van beede bancken ende by de drie leden deser stede op de colatie-soldre ghesloten volghende der privilegie: Zoo wie ghebannen es ofte ghebannen sal werden of verwonnen by der wet van Ghendt van vredebrake met wonden ofte zonder wonden, dat hy nemmermeer gratie hebben en sal nochte verlaet van zynen banne, maer zal moeten ballynck blyven 's lands van Vlaenderen al den tijdt van zynen banne gheduerende. Van den gonnen die ghebannen werden van soendynch-brake zonder wonde zullen moeten ghelijck ballinghen blyven. (Pr. Ar.^B.)

- Jan van den Haute vermoordde zijn wijf by Camerijcke, daer omme hy brocht was te Ghendt in vierschare, ende dede tooghen dat hy poorter was ende coos zyne wet buuten als poorter, ende was't schuldich te zyne, ende hiescht zo over recht, midts welcken hy ghewijst was uter clachten, ende daer naer ghebannen. (Pr. Ar.^B.)]