Memorieboek der stad Ghent van 't jaar 1301 tot 1793. Deel 1

[p. 146]

1407.

's Heeren kiesers.	Der stede kiesers.
Stevin van Liekerke.	Pieter van Eertbuer.
Jan Sanders.	Jan van der Eecke.
Jan van Huffelgem.	Jacob Sneevoet.
Vinchent van der Sickelen.	Jacob Haeck.
Schepenen van der Kuere.	Schepenen van Ghedeele.
Jan Sersymoens.	Gheerem Borluut, over hem Ghelnoet Damman.^4
Fransoeys Soyssone.^1
Heynric van Danckaertseeke.	Pieter van der Meulen.
Victoor van der Sickelen.	Jan de Hoeghe.
Arent Everwijn.	Willem van Ravenscoet.
Willem de Rijcke.	Jan de Wielmaeckere.
Willem Utenhove.	Cornelis Jacobs.
Lievin de Zeune.^2	Simoen Bette.
Gillis Leweerke.	Lievin van Caneghem.
Jan Ligeers.^3	Segher Bolloc.
Jan van der Eeken.	Heynric Bollaert.
Lievin Papal.	Jan Heebins.
Jan Pric.	Jan Roelins.
	Jan de Ketelboetere.
Heuverdeken.	Deken van de Weverie.
Pieter van Eertbuer.	Pieter Amerlynck.

Item, in dit jaer werd doot ghesleghen, den xxiij Novembre, de hertoghe van Orliens, van Rouletten, van Autonville, omme zyne quaethede jeghens de croone: Contra brachium peccatoris.

Item, in dit jaer was eenen cauden wintere dat 't cooren vervroos up Sente Sebastiaens-nacht.

4 Ghelloet Damman, f^s Jans. S.B.

1 Fransoeys Seyssone. S.B.

2 Lievin de Zuene. S.B.

3 Jan Ligiers. S.B.

[p. 147]

[Item, in dit jaer 1407 den 20 Januarius op Sent Sebastiaens-dach, sijnde eenen vrydach, was 't soo cout dat de wijn vervroos staende op de tafels. (K.M.)]

Item, in 't zelve jaer en waren scepenen niet uutghelesen voor Onser Vrauwen-dach half ougste voor 's avons te zes ueren.

[Item, in 't selve jaer was ghemaeckt een wapeninghe by nachte by Jacob van Verboome ende Fierebras de Rober ende eenen aerden potmaeker met Pieter Slocht; sy waren alle vier binnen den nacht ghevanghen ende 's anderdaeghs met eenen vonnisse verwesen ende buyten de Muydepoorte op wielen ghestelt. (K.M.)

- In dit jaer op Kersavont verweckten Pieter Schavaut met syne complicen binnen Ghendt eenen oproer, waer van de dry vierden onthoofd werden, ende de andere ghebannen uyt de stadt ende 't landt van Vlaenderen. (K.M.)]

Item, in 't zelve jaer up Sente Barbelen-dach was 't water zoo groot te Brugghe dat de lieden moesten op zolders wonen xj daghen zonder afcommen.

Item, in dit jaer quam de grave Jan t' Sente Omaers met heircrachte, omme met zynen edelen uut diversche te treckene ende te belegghene Calis.

Item, in dit voornoemde jaer vij op den vij Novembris was binnen Sente Thomaers monstre ghedaen van volc van wapenen ende binnen desen quamen de brieven van den coninc van Vranckerijcke aen den grave Jan van Digion, bevelende dat niemant trecken en zaude voor Calis, op de ghalghe; volgende den bevele van den coninc up Sente Martins avont elc moeste dan tuuswaert trecken.

[Item, in dit jaer up den iii dach van November doen

[p. 148]

quam de hertoch Jan van St. Thomaes met eene groote heercracht van baenrotsheeren, rudderen ende edellieden, te weten: eerst Bourgounien, Berry, Languedoch, Borbon, Bazen, Loreynen, Lotryen, Campagnen, Normandien, Picardien, Henegauwe ende Vlaenderen. Alle die voorseyde heeren waren bereedt om te trecken te Calijs om dat te winnen, ende up den vj November waert dese monstre ghedaen buyten St. Thomas te Corclins-meulene ende daer was groote provianse van victaeylgen. Item, binnen dese quamen brieven aen den hertoghe Jan van den coninck van Vranckrijck dat niemant voor Calijs trecken en soude up de galge, ende sijn gheconfiskeert coninckx tafele, dus bleef die reyse achter. (K.M.)

Vonnisse.

Om dat eene vrauwepersoon wonende by den hove, woorden nam jeghens haren man, die woorden toecommende omme dat zy in huwelicke zijnde haer meschdraghen hadde als blijckende by een kinde dat zy hadde; naer dat de man slapen was zoo namse een mes ende sneet den man de kele af te bedde ligghende, ende daer naer sneet zy hem af aermen ende beenen, ende drouch de zelve partie 's anderdachs 's morgens ten steeghere van den watere, waer af dat scepenen terstondt de wete hadden, ende zy ghynghen den doode anschauwen ende naer de anschauwynghe wart deze vrauwe ghewroucht, ende scepenen ghynghen tot haren huuse, daer zy de slapelakenen vonden ligghende al bebloet ende 't mes daer by; zy was ghevanghen ende ghewesen ghevoert te zyne up een hurde voor haer hebbende 't mes ende de slapelakens bebloet ende tsachternoens verberrendt ter Mudepoorte. (Pr. Ar.^B.)