Memorieboek der stad Ghent van 't jaar 1301 tot 1793. Deel 1

1405.

's Heeren kiesers.	Der stede kiesers.
Mer Segher van Ghendt.	Jan Everwijn.
Jan van Vaernewijck, f^s Sanders.	Jacob Lampe.
	Mr. Gillis de Suttere.
Willem Utenhove.	Jan van Duermen.
	Segher Bolloc.
Schepenen van der Kuere.	Schepenen van Ghedeele.
Matheus Damman, over hem Louis van den Moure.^1	Gheerem Borluut.
	Heynric van Danckaertseeke.
Segher Everwijn.	Franchoeis Soissone.^4
Lievin van Waes.	Willem van Ravenscoet.
Stevin van Liedekerke.^2	Jan Toete.
Jan Willaert.	Jan Hebbel.^5
Jan Ghiselins.^3	Ghuy de Bloc.
Jan Sersanders, f^s Daneels.	Jacob Haec.
Gillis van den Hecke.	Jan Versaren.
Jan Amelrie.	Gillis Maeyaert.^6
Lievin de Quinkere.	Pieter Diedericx.^7

1 Louis van den Moere. S.B.

4 Fransoeys Seyssone. S.B.

2 Van Liekerke. S.B.

5 Jan Ebbel. S.B.

3 Jan Ghysels. S.B.

6 Gillis Mannaert. S.B.

7 Pieter Diericx. S.B.

[p. 144]

Jan van der Hellen.	Pieter Boene.
Pieter Spieghel.	Joos van den Cleyghate.
Willem van Merendre.
Heuverdeken.	Deken van de Weverie.
Jacob van Houdenhuus.	Pieter Amerlynck.

Item, in dit jaer quam Thomaes, de hertoghe van Clarenten, broedere van coninc Henderic van Inghelant, met eender vloote van hondert scepen vul volcx van wapenen ende hy arriveerde ter Mude voor der Sluus ende de Inghelschen trocken in Cassant omme roven ende verbranden de huusen. Zy deden grooten storme up der Sluus, zoo dat een Sluusenare schoot den admirael van den Inghelschen doot ende men hiet hem den grave van Pennebrouck.

Item, de grave Jan van Digion ende die van Ghendt dit verhorende stelden hemlieden daer uppe omme de Inghelschen te bevechtene, ende zylieden dit verhorende staken 't vier in Raverscappelle ende trocken naer Inghelant.

[- Item, in 't selve jaer was eenen grooten brant te Brussel ter capellen. (K.M.)

- Item, de hertog Jan van Bourgoigne ende die van Ghendt trocken ter Sluys, omme die Inghelschen te bevechten; maer die Inghelschen die vloen met haerlier roove, ende voor Nieupoort waren hunliên ij schepen ghenomen. (K.M.)

- In dit jaer den 6 April was de Heuverpoorte t' Sente Pieters te Ghendt begonnen te fonderene. (Pr. Ar.^A.)]

Item, voor de Nieupoort was een stierman ghenaempt Wauter Janssone, die nam den Inghelschen de tafele van Sente Annen-autaer ter Mude, die zy gherooft hadden, ende noch velerhande goets, dat zy meenden te voerne naer Inghelant.