Memorieboek der stad Ghent van 't jaar 1301 tot 1793. Deel 1

1403.

's Heeren kiesers.	Der stede kiesers.
Willem Sersymoens.	Arend Everwijn.
Louis van der Moere.	Jacob uter Galeyen.
Joos van Valmerbeke.	Mr. Gillis de Suttere.
Jan Utenhove, f^s Claeys.	Willem de Rijcke.
Schepenen van der Kuere.	Schepenen van Ghedeele.
Pieter Sersymoens.	Jan van Vaernewijc, f^s M. Jans.
Jan Everwijn.	Lievin de Maech.
Jacob van den Hautkene.	Jan Hebbel.
Jacob van den Moere.	Jan Utenhove, f^s Jans.
Lauwereyns Pene.	Jan van der Straten.
Jan de Wielmakere.	Ghyselbrecht Mayhuus.
Jan van Huffelghem.	Gillis de Kempe.
Gillis van der Beke.	Jacob Lampe.
Mathijs van den Winckele.	Jan Willaert.
Pieter Hueribloc.	Jacob Utenhove.^1
Wulfram Wulframs.	Boudijn de Ledeghe.
Jan van den Putte.	Jans Roelins.
Lievin van Caneghem.	Thomaes de Cleerc.
Heuverdeken.	Deken van de Weverie.
Jacob van den Haute.	Pieter van der Meulene.

1 Jacob van den Hane. S.B.

[p. 140]

Item, in dit jaer zoo staerf den xvj^en April de zoone van den coninck Philips van Vranckerijcke in de stede van Halle [ende wart begraven ten Chartrusen te Digion, in Bourgongnen, dat hy zelve hadde doen fonderen. (Pr. Ar.^B.)]

Item, in dit voornoemde jaer quamen te Oostende gheswommen acht groote walvisschen, de welcke bleven ligghende up 't sant ende elcke visch was lanc lxxv voeten ende de nuesghaten waren zoo groot dat mer in stac een groote mans vuest ende elcke visch hadde in zynen buuc xxiiij tonnen smouts, ende als men se in sticken hauwen saude men moeste met leeren uut ende in clemmen, ende in den buuc van de voornoemde visschen stonden xvj oft xvij mannen met scootelen smout uutsceppende ende ghooten 't in tonnen, die by hemlieden stonden; nochtans en lieten zylieden niet te doene deen om d'anders wille oft haerlieder werc te doene.

Oostende weet dat Bricxus nachte
Ghevanghen waren walvissen achte.

[Up Ste. Luciendach voor Kerstdach zoo starf Aelbrecht van Beyeren, grave van Hollant, Zeelandt ende Henegauwe, heere van Vrieslandt, ende hy wart begraven in den Haghe in Hollandt in de cappelle van den hove; hy regneerde in zijn leven als reuwaert ende gherecht heere xlvi jaren, ende vrauw Magriete zijn eerste wijf licht begraven in de zelve cappelle; maer vrouw Margriete van Cleve zijn tweetste wijf die licht begraven in de Predickheeren in den Haghe in Hollandt. (Pr. Ar.^B.)]