Memorieboek der stad Ghent van 't jaar 1301 tot 1793. Deel 1

1397.

's Heeren kiesers.	Der stede kiesers.
Mer Race Mulaert.	Arendt Everwijn.
Jan van der Schaven.	Mathijs van den Wynkele.
Jan Utenhove, f^s Claeys.	Rougier Everwijn.
Saladijn van Ertbuer.	Pieter Bate.
Schepenen van der Kuere.	Schepenen van Ghedeele.
Pieter Sersymoens.	Jan Sloeve.
Jan Everwijn.	Heynric van Danckaertseeke.
Lievin van Waes.	Gyselbrecht Mayhuus.^3
Matheus Damman.	Joos van Valmerbeke.
Lauwereyns Spene.^2	Jan van Overackere.
Pieter van der Muelen.	Jan Vermarien.
Jan van Vaernewijc, f^s Sanders.	Jan van Huffelghem.
Pieter Hueribloc.	Jan van den Hane.
Jan van Eeke.	Jacob Meyeraert.
Jacob Sneevoet.	Jan Toete, f^s Willems.
Lievin Polleyn, f^s Lievens.	Jacob Doedins.
Jan van den Pitte, cordewanier.	Jan Roelins.
Willem de Rijcke, f^s Ghyselbrecht.	Michiel van der Beke.

3 Ghyselbrecht Mayhu. S.B.

2 Laureyns Pene. S.B.

[p. 130]

Heuverdeken.	Deken van de Weverie.
Pieter Hueriblock.	Laureins de Maech.

Item, in dit jaer trocken die van Brabant derdewaerf in 't lant van Geldere ende in Gulcken.

[Item, in dit jaer was gheboren de hertoghe Philips Jans sone van Borgondien te Digion in Borgoenen, den lesten July. (K.M.)]

Item, in dit jaer dede hertoghe Jan van Digioen, grave van Vlaenderen de stede Ghent meten met eenen landmetere, [Gillis de Grootheere (G.)] eerst den ommeloop xxxiij^c roeden, elcke roede xiij voeten, van de Mudepoorte tot Sente Lievinspoorte binnen, xiij^c roeden, van t' Enderweerre tot aen de Spitaelpoorte t'sente Baefs xiij^c roeden.

Item, de myle hout inne iiij dusent cubitus.

Item, in dit jaer waren de Turcken in Hongharien ende deden daer vele quaets ende omme die te wederstane Jan van Digion, toecommende grave van Vlaenderen, zone van Philippus, trac in Hongarien met menichte van volcke, edele mannen van wapene uut Vlaenderen, Brabant, Borgondien ende meer andere landen, ende in Hongarien comende zoo bevacht Jan van Borgondien rudderlic de Turcken ende hy wart ghevanghen met vele van zynen edele mannen ende zijn volc meest doot ghesleghen, welc toequam by verwaentheden ende hoverdye van Boucman, de capitein van zynen volcke, de welcke 't voorenvechten hebben wilde, daer hem de coninc van Hongarien bat dat zijn onghaersche vooren vechten zaude; want dat zy lieden bat de maniere van den Turcken wisten dan de Nederlanders, zeyde oock dat zijn volc oock anders niet en dochte dan om vooren te vechtene; ende in 't ende van den jare waert Jan van

[p. 131]

Digion ghelost ende ghecocht jeghens den admirael Bachijn van Turckyen; ende in den wijch bleven versleghen drye bastaerde ooms van Jan van Digion, te wetene: Mer Lodewijc de Hase van Borgondien, Mer Jan, heere van Drynckam, ende Mer Lodewijc de Vriese, heere van der Wostyne, ende van Wesseghem in Borgondie.

[In dit jaer ginck den grave van Vlaenderen, hertoch van Bourgoigne, ende grave van Nivers ter orloghe teghen l'Amorath-Bequin, keyser der Turcken, alwaer hy ghevanghen wiert met veel andere edellieden soo van Vranckerijck als van andere landen, op welcken dach oock ghevanghen wiert Nicolaes, sone van Nicolaes Utenhove, den welcken verlost sijnde van de ghevanghenisse, wiert hofmeester van den hertoch van Bourgoigne, ende hoochbailliu van Berghen in Henegauwen. (K.M.)

Scepenen van der Kuere sittende omme informatie t' hoorene up 't faict gheremitteert by Jacob Haeck, f^s Jans, ende 't ghebeurde dat de voornoemde Jan Haeck versoende 't faict jeghens zyne partie gheremitteert binnen dien dat zy t'informatie saten, ende scepenen van het faict gheinformeert zijnde, niet teghenstaende, die de voornoemde Jacob wart ghebannen. (Pr. Ar.^B.)]