Memorieboek der stad Ghent van 't jaar 1301 tot 1793. Deel 1

1381.

Schepenen van der Kuere.	Schepenen van Ghedeele.
Simoen Bette, in de Ameede, over hem Jan de Jonghe.	Jan van den Kerchove, t' Sente Baefs.
Jan van den Watere.	Jan Sleepstaf, over hem Jan van Lemberghen.
Jan van der Eeken.
Simon Braem.	Jan Utenbroucke.
Pieter van den Bossche.	Simoen van Vaernewijc.
Pieter Amelrie.	Lievin Bloume.
Jan Haeck.	Jan de Beere, temmerman.
Roegier Everwijn.	Jurdaen de Brune.
Lievin van Wettere.	Willem de Dene.
Jan de Beere, vleeschauwere.	Lievin van der Bile.
Heynric van Danckaertseeke.	Pieter van Waes.
Jan de Vrieze.^1	Jan van der Cappellen.
Pieter van den Turre.	Jan van Bassevelde.
	Jan van der Oest.

Item, in dit jaer bleef 't kint van Edinghen (Idegem) doot voor de Keyserporte te Ghent.

Item, den vij^en in Maerte trocken die van Ghent ute met vj herren voor Gheertsberghe, voor Dendermonde, voor Curterijcke ende in Vierambachten, daer zy veel coorens uut brochten, 't v^e voor Deinse ende Curterijcke. De capitein was Philips van Ertvelde, ende voor Audenaerde bleef

1 Jan de Vriese, blauwere. S.B.

[p. 111]

de capitein versleghen ende verbranden in wraken Deinse, Thielt, Aelter, Ursel ende Eekeloo, ende al datse in haren wech vonden: Maldeghem ende Brugghe voor de poorte, ende 't casteel van Male worpen zy af ende destruwerden't, ende vonden in haren wech xxvj notabel personen, de welcke zy te Ghent op de maert brochten ghevanghen, daer zy met hamers ende staven in sticken ghecapt waren.

[De veurscepene van der kuere was doot ghesleghen in eene wapenynghe 's anderdaechs naer Ste. Pauwelsdach in Lauwe, ende 's donderdachs daer naer wiert oock doot ghesleghen Gyselbrecht de Grutere, ende dry ander persoonen in het chausselet onthooft. - Den ii^en Lauwe was doot ghesmeten Gillis de Voldere, oppercapitein van Ghent (S.G.).

- Race van Liekercke doot gesleghen voor Audenaerde van die van Ghent (G.).]

Item, in dit zelve jaer was Brugghe noch eens ghewonnen van die van Ghent, ende Ghent was doe in groote benauthede van victualge.

[Item, in dit jaer rees Philips van Ertevelde ende was Brugghe ghewonnen den iiij in Meye van die van Ghendt (K.M.).

- In 't voorschreven jaer den iiij Meye wonnen die van Ghent de stadt Brugghe ende de grave Lodewijck vloot van de halle van Brugghe, ende den 5 van Meye deden die van Ghendt vellen de poorten van Brugghe: de Cruyspoorte, de Ghentschepoort ende Ste. Cathlynepoorte, ende volden daer die weghe mede. (Bibl.)

- In dit jaer rees Philips van Artevelde, en was capiteyn ghecoren ende bereede vijf herren, een voor Gheerstberghe, een voor Dendermonde, terde voor Curtrijcke, vierde in Vierambachten en 't vijfste voor Deynse en voor Nevele. (Bibl.)

[p. 112]

- Item, in dit scependom 25 July, was versleghen heer Wauter van Ideghem van die van Ghendt voor de Keyserpoorte. (Bibl.)

- Item, den 7 November waren verslegen vele brugghelynghen, ende men bracht haerlieder bannieren te Ghendt, die men uitstack t' allen poorten van der stede; item, om dat die van Brugghe ende ander saghen ter vente ligghen haerlieder goet, dat die van Ghendt hemlieden ghenomen hadden, zy deden den lesten in sprokele 't zelve goed arresteren metten heere, daer omme die van Ghendt een nieuwe wapeninghe maeckten. (Bibl.)]

Item, in 't zelve jaer was den beckenslach gheconsenteert.

Item, in dit jaer was 't groote aertbevinghe ende sterfte, ende midts der orloghe stont de stede Ghent langhe zonder heere.

Item, die van Ghent brochten vele coorens ende wijns van den Damme; den wijn en ghalt maer ij grooten den stoop, ende up den xx^en Decembris wonnen die van Ghent Erdenburch, dat zy roofden ende verbranden ten spyte van die van Brugghe.

Item, den ij^en Laumaent was Gillis de Muelenere, upper-capitein te Ghent, doot ghesleghen, ende Philips van Ervelde ghecooren.