Memorieboek der stad Ghent van 't jaar 1301 tot 1793. Deel 1

1376.

Schepenen van der Kuere.	Schepenen van Ghedeele.
Gyselbrecht de Grutere, f^s Gyselbrecht	Jan van Lede.
	Raes van den Wale.
Jan van Valenchiennes.	Jan van Coeyeghem.
Gillis Mayhuus.	Ogier tSuul.^6

6 Ogier Suul. S.B.

[p. 101]

Lievin Rijnvisch.^1	Jan van der Vurst.
Wulfram van den Ecke.^2	Claeys van Lippenhove.
Arent Paridaen.	Sanders van Vaernewijc.
Heynric Louf.	Jan de Beere.
Simoen Damman, f^s Gelnoets.	Jan Dierman, over hem Gillis de Dorle.^4
Joos de Meester.
Lauwereis de Maech.	Lievin Zoetaerd.
Pieter de Wint.	Gyselbrecht van den Hende.
Denijs de Leude.^3	Pieter van Wiendeke.
Everdey Valcke.	Vincent Hiellaert.

Item, in dit jaer dede 't water vele quaets in Oostvrye ende in de Vierambachten.

Item, in dit voornoemde jaer was te Brugghe den eersten steen gheleit van den scepenhuuse by den grave Lodewijc van Male ende men heetet Gyselhuus op de Burcht.

Item, in dit jaer brac den dijck ute te Biervliet ende daer omtrent in Novembre, ende daer verdronken xvj prochien op sente Lissebettenacht.

['s Maendaechs naer Ste. Martensdach brack 't gat te Biervliet uyt ende daer verdroncken vele prochien, te wetene: Bouchaute, de Piete, de Gewilleghe inne Poesselaere, Eynsdijck, Elmare, St. Jans in de Wostyne, Bymanskeercke, Ste. Catlyne ten Aermen, Coendijcke, Maternessen, Ste. Nyclaes, Biervliet, Schoondijck, noch een ander prochie. (G.)]

Item, in dit jaer was t' Sente Pieters an 't Stalhof op onse Vrauwendach in Maerte eenen grooten brant, zo datter verberrenden bet dan vijf duusent huusen. (Veel cappellen ende kercken. Bibl.)

1 Lievin Rivisch. S.B.

2 Wulfram van den Hecke. S.B.

4 Gillis van Dorle. S.B.

3 Denijs de Luede. S.B.

[p. 102]

Item, in dit jaer quamen te Ghent ende te Brugghe uut Vranckerijcke de hertoghe van Bortaengnen, ende uut Ynghelant quam de prince van Waels ende de hertoghe van Lancastere omme te tractoren van paeyse of omme een bestant tusschen de twee coninghen; ende de hertoghinne van Lancastere quam mede, de welcke met kinde ghinck ende zy ghelach te Ghent van eenen jonghen soone, de welcke men heet Jan van Ghent.

[Item, in dit jaer quam de hertoginne van Lancaster met haren man ende trocken t' sent Adriaens te Geersberghe, ende sy was bevrucht, ende aencomende te Ghendt soo wort sy sieck ende ghelach van eenen sone, de welcke daer naer was hertoghe van Lancaster, en men hiet hem Jan de Gandt. (K.M.)]

Item, te Rome quam gescil omme twee pausen den eenen te Rome, ghenaempt Urbaen de vj, ende d'andere te Avingioen Clemens de vij.