Memorieboek der stad Ghent van 't jaar 1301 tot 1793. Deel 1

[p. 81]

1359.

Schepenen van der Kuere.	Schepenen van Ghedeele.
Jan van Vaernewijc.	Jacob Bette.
Willem van Huusse.^1	Gyselbrecht de Grutere, f^s Ghyselbrecht.
Lievin van den Hole.
Claeys Daens.	Jan de Crane.
Jacob van West.	Claeys van Erdbuur.^5
Jan van der Hoyen.	Willem Stul.
Jacob van Zele.	Jan de Somere.
Jacob Verbertilden.^2	Jan Storem.
Sanders van Lede.	Jan Leewercke.
Arend Zelle.^3	Jan van Dormen.
Jan Brandijns.^4	Gillis de Coopman.
Jan van den Hamme.	Lievin die Baert.
Gyselbrecht van der Oest.	Jan de Vurstere.^6
	Jan Houkin.^7

Item, in dit jaer sciet dlet van der weverie van den voldere, ende daden hemlieden hare wapenen ende banneeren overbringhen.

[Waert oock geordonneert dat de volders hemlieden noiet op en souden stellen zonder het consent van de neerynghen op verbeurte van lijf ende goet; huerlieder deken moet uytgegheven worden van de wet, ende moet zijn een man van neerynghen. (S.G.)]

Item, in dit jaer was de paeys ghemaect tusschen beede de coninghen te Brugghe, daer verghadert waren de hertoghe van Annugioen (Anjou), de hertoghe van Bretanien ende de hertoghe van Borbon met meer andere princen, ende over

1 Willem de Haze. S.B.

5 Claeys van Heertbuer. S.B.

2 Jacob Vertilden. S.B.

3 Arend Celle. S.B.

4 Jan Brandijs. S.B.

6 Jan de Vaerwere. S.B.

7 Jan Huekijn. S.B.

[p. 82]

dander syde was de prince van Waels Eduwaert, de hertoghe van Lancastere ende twee cardinalen, ende de coninck Jan van Vranckerijcke was van vanghenesse ontsleghen; maer de paeys en duerde niet langhe.

[De cronijcke van Eenaeme zecht dat Jacob van Artevelde doot ghesleghen was in 't jaer lix in de stede van Ghent van de commune in zijn peertstal, ende hadde xxj jaren capiteyn gheweest van Ghendt ende van gheheel Vlaenderen, ende wiert ghecoren van de ghemeente van Ghendt, ende hiel den grave uyt den lande van Vlaenderen omme zekere groote pointen die daer aengaende is het lant van Vlaenderen, dat Jacob al beletde, ende al die te zynen raet waren.

Item, hy maecte al Vlaenderen deure baillius ende officieren in de steden en dorpen die hem geliefde ende die's weerdich waren ende wijs d'officien te bedienen ende regierene, ende goede rekenynghe voor hem te doene om zynen heer ende grave van Vlaenderen te hebbene, ende al dat sy schuldich waren van hebbene; hy slouch nieuwe munte die goet was; hy dede ghebeden doen in elke stede van Vlaenderen om het lant te bewarene; hy beleyde steden binnen den lande ende buyten den lande van Vlaenderen; al 't lant van Vlaenderen was hem onderdanich ende deden hem groote eere, alsoo wel edele ende onedele; het was goeden tyde ende goede neerynghe van alle ambachten als synen tijdt duerde dat hy capiteyn was. (S.G.)]