Memorieboek der stad Ghent van 't jaar 1301 tot 1793. Deel 1

1357.

Schepenen van der Kuere.	Schepenen van Ghedeele.
Lievin Damman.	Segher uten Dale.
Jacob Willebaert.	Jan van Lede.^1
Willem ser Simoens.	Geerolf de Pape.
Jan Damman, f^s Ghelnoets.	Jacob van Broodsende.
Nys van Hansbeke.	Heynric van Daelpitte.^2
Jan Hoornic.	Simoen metten Scapen.
Jan de Grave.	Gillis de Hane.
Goessin van Horenbeke.	Jan Heymans.^3
Lievin van Axele.	Joos uten Ramen.
Gillis de Keysere.	Jan Mayhu.
Jacob de Puur.	Heynric Drieghe.
Hughe van Lembeke.	Pieter van Buxstale.^4
Seger Sloeve.	Jan Beys.

1 Jan Speliaert. S.B.

2 Heynric van Daelputte. S.B.

3 Jan Heynemans. S.B.

4 Pieter van Boxstale. S.B.

[p. 79]

Item, in dit jaer bienen de xij scepenen hueren voorscepenen Lievin Damman ende haeren Amman.

Item, in dit jaer quam de prince van Valoeis in Vranckerijcke met grooten heircrachte van inghelsche oorlochsvolck in 't lant van Potau up een velt ghenaempt le campe Leandere.

Item, de coninc van Vranckerijcke quam jeghens Eduwaert, prince van Valoeys met menichte van volcke ende zy verghaderden met heircrachte up twee mylen naer Poythiers, ende daer bleven menichte van Vranchoeysen versleghen, ende de coninck van Vranckerijcke met zynen joncsten zoone bleven daer ghevanghen; ende de prince van Valoes [van Walis (K.M.)] voer dese beede in Inghelant by den coninc zynen vader; desen slach was in Octobre.

Item, up den Kerstnacht was in Vlaenderen groot jammere van den water; princepalic in Vier Ambachten verdroncken mannen, vrauwen, kinderen in de wieghe; beesten, huusen die vlootten met den wateren wech, dwelc derlic was om sien.

[In dit jaer dede grave Lodewijc sijn intrede te Dermonde, daer hy homaige dede Arent van der Varent en Jan Utenhove. (G.)]