Memorieboek der stad Ghent van 't jaar 1301 tot 1793. Deel 1

1353.

Schepenen van der Kuere.	Schepenen van Ghedeele.
Simoen van den Kerchove.	Simoen van Ravescoet.
Hughe van Lembeke, d'oude.	Jan van Ponteraven, d'oude.
Jan Speliaert.	Philips van Calckene.
Boudijn van Swynaerde.	Jacob Bette.
Jan van Loo, in de drapstrate.	Lievin Wenemaer.
Claeys Utenberghe.	Gillis de Curte.
Geerem Borluut.	Jan de Grave, f^s Pieters.
Jan de Suttere.	Gyselbrecht de Grutere, f^s Ghyselbrecht.
Jacob Parisijs.^1
Goessin Rijm.	Jan Coevoet.

1 Jacob Parijs. S.B.

[p. 74]

Jacob de Puur.	Jan de Pape, f^s. J. Volders.
Jan van Lede.	Jan de Broossche, de lamerwerkere.
Pieter de Brune.
	Race van Bassevelde.
	Everdey van Erdenborch.^1

Item, in dit jaer ende scependom [in de wedemaent. (S.G.)] ontstack Onse Vrauwekercke t' Sente Pieters van brande 'smorgens vrouch.

Item, in 'tzelve jaer binnen acht daghen daer naer, was noch eenen grooten brant t' Sente Pieters, daer menich mensche af verberrende.

[Ende acht daghen daernaer was den grooten brant t' Ste. Pieters-Aelst; hondert huysen verbranden. (S.G.)

- Item, in dit jaer soo was de crane te Ghent volmaeckt. (K.M.)

- Item, in dit jaer ende schependom was't eenen cauden winter, ende up Sente Gregoriusnacht de 40 ballinghen door de Muydepoorte commende riepen: ‘Vlaenderen den leeuw!’ Ende op den selven nacht was't een groot tempeest van wint dat veel schade dede te water en te lande. (K.M.)

Item, in dit zelve jaer quamen te Ghent ter Mudepoorte inne xl ballinghen ende was op Sente Greghoriusnacht.

Item, in dit voornoemde jaer ghebuerde dat eene jonghe maecht quam slapen by den grave Lodewijc van Male ende waert bevrucht van twee cnapelike kinderen.

Item, de tijt nakende van der gheboorte van de kinderen, de grave was te Nyvers; ende de graefnedinne had gheseit dat

1 Everdey van Oudenborch. S.B.

[p. 75]

zie dat vrauken zoude willen helpen ende dat de kinderen zauden moghen ontfanghen kerstendom, in de stede van haren man.

Item, de graefnedinne beval dat 't vrauken zaude commen tot Male omme daer te gheligghene, zy zaude haer 't beste doen; ende daer commende ende gheleghen zijnde dede beide de kinderen dooden ende te nieten doen.

Item, de grave Lodewijc dit wetende dat bedorven waren twee cnapelicke kinderen by toedoene van de princesse, daer de jonghe vrauwe afgheleghen was, by rade van hertoghe Jan van Brabant, haren vadere, dede grave Lodewijc zyne graefnedinne sluuten ende vermuren in een slot daer zie starf.