Memorieboek der stad Ghent van 't jaar 1301 tot 1793. Deel 1

1340.

Schepenen van der Kuere.	Schepenen van Ghedeele.
Jan van der Vloet.	Jan van Dessele.
Pieter van der Asselt.	Heynric Goethals, in de drapstraete.

[p. 49]

Jurdaen Sersanders.	Simoen van Ravenscoot.
Gillis van der Pale.	Willem van den Poele.
Jan Huugs sone.^1	Jacob van der Linden.
Hughe van den Abeele.	Lievin Everboud.
Jan Buuc.	Jan Baers, over hem Philips van Deynse.
Geeraert Denijs.
Maes van Olsene.	Matheus van Ghentbrugghe.
Jan Louf,	Jan Coolins soone.
Pieter van de Velde.	Jan Tac.^2
Pieter van Coudenhove.	Jan Roggheman.
Jacob Coelins, de verwere.	Jan Diederix.
	Pieter Boele.

Item, in dit jaer waren die van Ghent voor Doornike met Jacob van Eertvelde ende de wet van Ghent was voor Doornyke vermaect, ende de voornoemde Jacob lach met den coninc van Inghelant ende wan de sententie quyte jeghens den coninc van Vranckerijcke, ende hy moest Jacob van Eertvelde leveren de instrumenten, bullen, brieven ende gheschriften en alle de verbanden die de coninc van Vranckryke hadde up Vlaenderen.

Item, de voornoemde Jacob van Ertvelde stack zynen aerme duer de voornoemde brieven van verbanden ende brachse also binnen Ghent daerse ghecassert ende ghescuert waren.

[In dit jaer lach Jacob van Ertvelde voor Doornicke met den coninc van Inghelandt ende wan de sententie quite jeghen den coninc Philips van Vranckerick, ende brachte Jacoppe van Ertvelde de instrumenten, bullen ende alle verbanden die hy hadde up Vlaenderen, ende die brochte

1 Jan Huugs. S.B.

2 Jan Ryt. S.B.

[p. 50]

Jacoppe van Ertvelde duer zynen aermen ghesteken te Ghendt ende schuerdese aldaer. (S.G.)]

Item, in 't selve jaer was Sente Quintins ghewonnen.

[In dit jaer was de conynck van Inghelant tot Ghent ende bat de lieden van Ghent te willen onderhouden de alliantie die zy met hem ghemaect hadden. (S.G.)

- In dit jaer was den slach tusschen de Vlaminghen ende den Franchoisen voor Sent Omaers op den xxiiij in Hoymaent. (K.M.)

- Item, naer het segghen van de walsche cronijcke slough namaels Geeraert Denijs achtsten schepenen doodt Jacob van Aertvelde. (K.M.)

- Item, in 't selve jaer, in de maent van Sprockele, doen deelde Jacob van Aertvelde de stede van Ghendt in dryen, te wetene: de poorterye, de weverye ende de neeringhen. (K.M.)]

- Item, in 't selve jaer in de maent van September soo renunchieerde Philippus de Vallois coninck van Vranckryck te Bovines aen al sulck een recht dat hem soude commen te competeren aen het graefschap van Vlaenderen, voor ende in proffytte van de gravinne van Henegauwen, syne suster, en aen haeren man ende syne hoirs eeuwelyck en voor altyd. (K.M.)