Memorieboek der stad Ghent van 't jaar 1301 tot 1793. Deel 1

1338.

Schepenen van der Kuere.	Schepenen van Ghedeele.
Jan Speliaert.^3	Willem de Meersman.
Pieter de Clerc.	Zegher Utendale.
Jan van Steenbeke.	Jacob Rugghestul.
Heynric de Boem.	Jan Minneman.^5
Heynric Goethals, de brouwere.	Simoen de Neckere.
Jan van Dronghene.	Philips van Deynse.
Geeraert Neut.	Pieter Dulhuus.
Boudyn uut Merham.^4	Heynric van Baerledonc.
Willem van Artevelde.	Jan Zelle.
Jacob van der Hoyen.	Jan Donker.
Heynric Hennech.	Jan van den Hovene.
Lievyn van Vuerne.	Staes Brantyn.
Diederic Henseldonc.	Willem Molenyser.

Item, in dit jaer rees Jacop van Ertvelde up Alderkinder-dach ende was in't beleedt vij jaer vij maenden en vij daghen.

[In dit jaer was eenen Jacob van Eertvelde ghecoren capiteyn over geheel Vlaenderen om teghens yegelijcken 't selve te beschudden A^o 1337, ende hiel het lant soo langhe hy leefde in peys ende vrede, soo veel dat hy van de ghemeynte van Ghent noch wert doot gheslaeghen. (G.)

3 Jan Spelgaert. S.B.

5 Jan Minnebode. S.B.

4 Baudin uut Meerem. S.B.

[p. 47]

In dit jaer den coninck van Enghelant met synen sone ende de coninginne quamen in 't Swijn metter haesten toeghesleghen al met ghewapenderhandt; doe voer men t'Ypere ende in 't Westlant met Jacob van Artevelde met crachte. (K.M.)]

Item, in dit jaer trocken die van Ghent t'sGravenscuere jeghens den coninc van Inghelant, doe hy den wijch ghedaen hadde jeghens de Noormans te Cassant.

Item, t'Sente Martinsmesse in dit voornoemde jaer trac men te Biervliet.

Item, dese Jacop van Eertvelde maecte aliancie met den voornoemden coninc van Inghelant jeghens den grave Lodewijc ende den coninc van Vranckerijcke, dwelck langhe duerde omme dies wille dat de drie steden Ghent, Brugghe ende Ypere favorabele waren met den voornoemde Jacop van Eertvelde ende den coninc van Inghelant, ende men riep de ballinghen inne al Vlaenderen duere.

Item, grave Lodewijc van Nyvers dit ansiende hy nam zijn wijf vrauwe Magriete ende Lodewijc van Male zynen soone, ende ghinc woonen te Parijs.